Ia 93.000 lagunek eman dute izena Osakidetzaren Lan Eskaintza Publikoan
92.694 pertsonak eman dute izena 2016-2017 ekitaldiko Osakidetzaren Lan Eskaintza Publikoan (LEP). Guztira, 3.335 lanpostu eskainiko dira, eta maiatzean eta ekainean egingo dira azterketak. Kategoria gehienetan amaitu da izena emateko epea, baina kasu batzuetan beranduago itxiko da.
Gehien bat emakumeak dira izena eman dutenak: 70.237 (76 %) emakume eta 22.457 gizon. Jatorriari dagokionez, % 19 inguru, 17.507 pertsona Euskaditik kanpokoak dira.
Atzo (osteguna) lehen 20 kategorietan izena emateko epea bukatu zen; esaterako, eskari gehien dauzkaten laurak: zaintzaileak (18.134 eskari); erizaintza (13.942); erizaintzako laguntzailea (13.692); eta administrazio laguntzailea (13.053).
Era berean, atzo bukatu zen familiako mediku espezialitaterako izena emateko epea: 1500 pertsonak eman dute izena eta, pediatrian, berriz, 179 pertsonak.
Izena emateko epea martxoaren 19ra arte zabalik izango da beste 28 kategoriatan, eta apirilaren 5era arte, azken 38etan.
Hemen daukazue Lan Eskaintza Publikoan izena emateko dokumentua.
Eusko Jaurlaritzako Osasun Sailak jakinarazi duenez, Osakidetzaren Lan Eskaintza Publiko batean inoiz izandako parte-hartzaileen marka gainditu da, baina aldi berean osasun publikoaren historian egin den lan eskaintza handienetako bat ere bada.
Guztira, 3.335 lanpostu eskainiko dituzte, 21 kategoriatan banatuta, eta azterketak maiatza eta ekaina artean egingo dituzte. Lanpostu horietako 3.016 txanda librekoak izango dira, eta 319, barne-sustapenekoak.
[Osakidetzako Lan Eskaintza Publikoko lanbide kategorien oinarri bereziak, kategoriatan banatuta]
Lan deialdi honen kasuan, berritasun gisa, aurten eta 2019an egingo diren azterketetara aurkezten diren parte-hartzaileek beren puntuazio altuena aukeratu ahal izango dute, aurten lanpostua eskuratzen ez badute.
Espezialitate mediko guztietako hautaprobak Gasteizen egingo dira maiatzaren 12an hasi eta hurrengo hiru asteburuetan jarraian. Gainerako kategoria profesionalen kasuan, azterketak ekainaren 15ean, 16an eta 17an egingo dira Barakaldoko BEC erakustazokan.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.