Pentsiodunek aurrera begirako bide-orria zehaztuko dute aste honetan
Pentsio publiko duinen aldeko aldarria ozen entzun zen larunbatean Hego Euskal Herriko hiriburuetan: 115.000 pertsona atera ziren kalera Bilbon, eta 15.000-20.000na herritar Donostian, Iruñean eta Gasteizen.
Hain zuzen ere, Bilbokoa izan zen Estatuan egin ziren manifestazio guztietatik jendetsuena, baita Bizkaiko hiriburuan azkenaldian egin den handienetakoa ere.
Urtarrilaren 15ean Bilboko Udaletxearen inguruan bilkurak egiten hasi zirenetik izugarrizko indarra hartu du pentsioen aldeko mugimenduak; eta orain, indarrak neurtu, aztertu eta etorkizunera begira nola bideratu aztertzea izango da pentsiodunen hurrengo eginbeharra. Eta horretarako, Arabako, Bizkaiko eta Gipuzkoako pentsiodunek batzarra egingo dute ostiralean Bilbon.
Xabier Isasa Bizkaiko "Pentsiodunak Martxan" plataformako bozeramaileak Euskadi Irratian esan duenez, oso pozik daude atzoko manifestazioek izandako arrakastarekin: "Aurreikuspenak handiak ziren, baino are handiagoa izan zen herritarren erantzuna. Hasieratik esan dugu hau gizarte osoari dagokion arazo bat dela, oraingo gizartearena eta etorkizuneko gizartearena"
Mobilizazio jendetsuek bultzatuta, pentsiodunak borrokan jarraitzeko prest daude, eta euren helburuak lortuko dituztela sinesten dute zinez. Halaxe adierazi du Santi Mujika, Donostialdeko aurrejubilatu eta pentsiodunen taldeko kideak: "Ez dugu alferrik ibiltzeko asmorik. Zerbait lortu arte segituko dugu borrokan. Zerbait lortzea espero dugulako ari gara mugitzen".
Astelehenetako mobilizazioei eutsiko diete, eta gaur ere, 12:00etan Bilboko, Donostiako, Gasteizko eta Iruñeko udaletxeen atarietan protesta egiteko deia egin dute. Aurrera begirako bidea zehazteko, berriz, hilaren 23an, datorren ostiralean, bilera berezia egingo dute. "Mugimendu honen indarra ikusita helburu nagusia ondo bideratzen asmatu behar dugu. Ezin dugu desbideratu. Ondo zentratu eta ahalik eta ondoen bideratu behar dugu mugimendua, helburua lortzeko" zehaztu du Xabier Isasak.
Pentsio publiko duinak bermatzearen alde borrokan jarraitzeko modu asko daudela zabalik uste dute, baina mugimendu politiko gisa antolatzeko aukera erabat baztertu dute.
Ildo horretan hitz egin du Andrea Uña pentsiodunen beste bozeramaileetako batek Radio Euskadin ere: "Garaipenak jendea mobilizatuz lortzen dira, ez bulegoetan edo amore emanez". Hala, "Ongizate Estatua borroka bidez lortu" zela gogorazi du: "Eta orain ez diegu utziko lortutako kendu eta ixilarazten. Borroka hau jubilatuok irabaziko dugu" nabarmendu du.
Bilboko izan zen Estatu osoko manifestaziorik jendetsuena:
Euskal Herriko fenomenoa
Xabier Aierdi soziologoak ere pentsiodunen atzoko indar erakustaldiaz hitz egin du Euskadi Irratian. Aierdiren iritziz, pentsio duinen aldeko mugimenduak "kontuan hartu beharreko protesta zikloa" jarri du abian. Orain erretirora iristen ari den jende asko gizarte mugimenduetan aritutakoa dela nabarmendu du, baldintza onak dituztela, eta aurreikuspena ere egin du: mugimenduak indarra hartzen baldin badu, aurrerantzean agenda politikoan kontuan hartu beharrekoa izango da: "Hemen klase ertain bat, lanpostu onetan egon den jendea, hasiko da hau mugitzen, eta gainera, beste kutsu soziopolitiko bat emango dio. Mugimendu honek hartu duen indarra oso interesgarria izango da etorkizuneko agenda politikoan".
Pentsio duinen aldeko mugimenduak Euskal Herrian izan duen arrakastaz galdetuta, Aierdik esan du Euskal Herrian kultura politiko eta erreibindikazio logika sendoa dagoela: "Hemen badago kultura politiko sakon bat, kalera ateratzeko ohitura handiagoa. Kalera ateratzeko prest dagoen kapital humanoa dago".
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.