Legebiltzarrak atzera bota du pentsioak osatzeko 1.080 eurorainoko osagarria jartzea
Eusko Legebiltzarrak atzera bota ditu pentsio txikienak diru publikoarekin 1.080 euroraino osatzeko EH Bilduk eta Elkarrekin Podemosek aurkeztutako ez-legezko proposamenak, Europako Gutun Sozialak jasotzen duenari jarraiki.
Pentsioei buruzko eztabaida egin dute gaur Eusko Legebiltzarrean, eta gutxieneko pentsioa 1.080 eurora iristeko osagarriak ezartzea proposatu du EH Bilduk. Elkarrekin Podemosek EH Bilduren legez besteko proposamena babestu badu ere, EAJ, PSE-EE eta PPk kontrako botoa eman dute eta, horrenbestez, ez da aurrera atera.
Testuan, Eusko Legebiltzarrak Eusko Jaurlaritzari pentsioak osatzeko neurriak hartzea eskatzea galdegiten zuen. Horrez gain, pentsioak KPIaren arabera eguneratzeko neurriak hartzea ere eskatzen zuen.
Halaber, Europako Gutun Sozialean jasotako gutxieneko parametroak progresiboki aplikatzea proposatzen zuen EH Bilduk, lau urteko epean gutxieneko pentsioa 1.080 eurokoa izatea lortzeko. Ahultasun egoeran dauden emakumeen egoeran azpimarra jartzea ere aldarrikatzen zuen koalizio abertzaleak, besteak beste, pentsio txikienak jasotzen dituztenak direlako.
Elkarrekin Podemosek aurkeztutako osoko zuzenketa ere ez da aurrera atera, EAJk, PSE-EEk eta PPk aurka bozkatuko dutelako. Elkarrekin Podemosek pentsioak legegintzaldi honetan 1.080 eurora arte progresiboki osatzea proposatzen zuen.
Legebiltzarreko osoko bilkurak EAJk eta PSE-EEk aurkeztutako osoko zuzenketa bat onartu du, PPren babesarekin. EH Bilduk eta Elkarrekin Podemosek, ostera, aurka bozkatu dute. Horren baitan bi eskari egin ditu Legebiltzarrak. Alde batetik, pentsio sistema publikoa bermatzea eskatu dio Espainiako Gobernuari; bestetik, pentsio txikienak diru-sarrerak bermatzeko errentarekin osatzea galdegin dio Eusko Jaurlaritzari.
Bestalde, PPk aurkeztutako zuzenketa bat baztertu du Legebiltzarrak. Testuan, diru-sarrerak bermatzeko legearen erreforma ahalik eta azkarren aurkeztea galdegiten zion PPk Eusko Jaurlaritzari.
Pentsiodunen protesta, Legebiltzarraren atarian
Legebiltzarrean pentsioei buruzko eztabaida egiten ari ziren bitartean, Euskal Herriko Pentsiodunen Elkarteak deituta ehunka pertsona elkartu dira kanpoaldean, Jaurlaritzari 1.080 eurora iritsi arte pentsioak osatu ditzala eskatzek.
"Pentsio duinak. 1.080 euro" leloa zeraman pankartaren atzean bildutakoek hainbat mezu zabaldu dituzte: "Borroka hau irabazi egingo dugu" eta "ez da dirurik falta lapurrak daude soberan".
Carlos Ruiz plataformako bozeramailearen esanetan, 1.080 euroko gutxieneko pentsioa ezartzea "posible da eta legezkoa da". Gaineratu duenez, horretarako ez da Gizarte Segurantzako lege orokorra aldatu behar, pentsio baxuenak diru-sarrerak bermatzeko errentarekin osatzea nahikoa da.
Alderdi politikoen arteko eztabaida
EH Bilduk azpimarratu duenez, gaur egun 16.000 pentsio osatzen dira diru-sarrerak bermatzeko errentarekin, baina ez dira 1.080 euroraino iristen. Koalizioaren esanetan, askoz ere gehiago dira gutxieneko duin batera heltzen ez diren pentsioak. Koalizioak Eusko Jaurlaritzan dauden bi alderdiak kritikatu ditu: "Ez dugu beraien jarrera ulertzen, are gutxiago, larunbateko manifestazioetan parte hartu zutenean".
Amaia Arregi EAJko legebiltzarkideak nabarmendu duenez, Estatu espainiarrari dagokio pentsioei buruzko eskumena eta pentsio baxuenak diru-sarrerak bermatzeko errentarekin osatzen dira, nahiz eta 1.080 eurora ez iritsi. "Utz ditzagun alde batera demagogia eta jarrera populistak. Ezin dira erakundeen hutsune guztiak diru-sarrerak bermatzeko errentarekin bete", gaineratu du.
Elkarrekin Podemosen izenean, pentsiodunen bizitza arintzeko bere esku dauden tresnak erabiltzeko eskatu dio Jon Hernandez legebiltzarkideak Eusko Jaurlaritzari. Haren hitzetan, politika publikoak adinekoen zerbitzura ere badaudela erakusteko modu bat litzateke.
Jose Antonio Pastor PSE-EEko legebiltzarkideak Diru-sarrerak Bermatzeko Legearen erreforma defendatu du, pentsiodunek laguntzak jasotzeko aukera izan dezaten. Gaineratu duenez, Jaurlaritzak botikak eta energia gastuak ordaintzen dizkie pentsio baxuenak dituztenei.
PPko Anton Damborenearen iritziz, "Espainia da ondoen bizi den munduko herrialdeetako bat". Gaineratu duenez, zenbaitek "nahi ez dutelako ez dute kotizatzen", alarguntasun pentsioa jasotzen duten batzuek bestelako diru-sarrerak dituzte eta Rajoyren Gobernuari esker sistema egonkortzen ari da.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.