Legebiltzarrak atzera bota du pentsioak osatzeko 1.080 eurorainoko osagarria jartzea
Eusko Legebiltzarrak atzera bota ditu pentsio txikienak diru publikoarekin 1.080 euroraino osatzeko EH Bilduk eta Elkarrekin Podemosek aurkeztutako ez-legezko proposamenak, Europako Gutun Sozialak jasotzen duenari jarraiki.
Pentsioei buruzko eztabaida egin dute gaur Eusko Legebiltzarrean, eta gutxieneko pentsioa 1.080 eurora iristeko osagarriak ezartzea proposatu du EH Bilduk. Elkarrekin Podemosek EH Bilduren legez besteko proposamena babestu badu ere, EAJ, PSE-EE eta PPk kontrako botoa eman dute eta, horrenbestez, ez da aurrera atera.
Testuan, Eusko Legebiltzarrak Eusko Jaurlaritzari pentsioak osatzeko neurriak hartzea eskatzea galdegiten zuen. Horrez gain, pentsioak KPIaren arabera eguneratzeko neurriak hartzea ere eskatzen zuen.
Halaber, Europako Gutun Sozialean jasotako gutxieneko parametroak progresiboki aplikatzea proposatzen zuen EH Bilduk, lau urteko epean gutxieneko pentsioa 1.080 eurokoa izatea lortzeko. Ahultasun egoeran dauden emakumeen egoeran azpimarra jartzea ere aldarrikatzen zuen koalizio abertzaleak, besteak beste, pentsio txikienak jasotzen dituztenak direlako.
Elkarrekin Podemosek aurkeztutako osoko zuzenketa ere ez da aurrera atera, EAJk, PSE-EEk eta PPk aurka bozkatuko dutelako. Elkarrekin Podemosek pentsioak legegintzaldi honetan 1.080 eurora arte progresiboki osatzea proposatzen zuen.
Legebiltzarreko osoko bilkurak EAJk eta PSE-EEk aurkeztutako osoko zuzenketa bat onartu du, PPren babesarekin. EH Bilduk eta Elkarrekin Podemosek, ostera, aurka bozkatu dute. Horren baitan bi eskari egin ditu Legebiltzarrak. Alde batetik, pentsio sistema publikoa bermatzea eskatu dio Espainiako Gobernuari; bestetik, pentsio txikienak diru-sarrerak bermatzeko errentarekin osatzea galdegin dio Eusko Jaurlaritzari.
Bestalde, PPk aurkeztutako zuzenketa bat baztertu du Legebiltzarrak. Testuan, diru-sarrerak bermatzeko legearen erreforma ahalik eta azkarren aurkeztea galdegiten zion PPk Eusko Jaurlaritzari.
Pentsiodunen protesta, Legebiltzarraren atarian
Legebiltzarrean pentsioei buruzko eztabaida egiten ari ziren bitartean, Euskal Herriko Pentsiodunen Elkarteak deituta ehunka pertsona elkartu dira kanpoaldean, Jaurlaritzari 1.080 eurora iritsi arte pentsioak osatu ditzala eskatzek.
"Pentsio duinak. 1.080 euro" leloa zeraman pankartaren atzean bildutakoek hainbat mezu zabaldu dituzte: "Borroka hau irabazi egingo dugu" eta "ez da dirurik falta lapurrak daude soberan".
Carlos Ruiz plataformako bozeramailearen esanetan, 1.080 euroko gutxieneko pentsioa ezartzea "posible da eta legezkoa da". Gaineratu duenez, horretarako ez da Gizarte Segurantzako lege orokorra aldatu behar, pentsio baxuenak diru-sarrerak bermatzeko errentarekin osatzea nahikoa da.
Alderdi politikoen arteko eztabaida
EH Bilduk azpimarratu duenez, gaur egun 16.000 pentsio osatzen dira diru-sarrerak bermatzeko errentarekin, baina ez dira 1.080 euroraino iristen. Koalizioaren esanetan, askoz ere gehiago dira gutxieneko duin batera heltzen ez diren pentsioak. Koalizioak Eusko Jaurlaritzan dauden bi alderdiak kritikatu ditu: "Ez dugu beraien jarrera ulertzen, are gutxiago, larunbateko manifestazioetan parte hartu zutenean".
Amaia Arregi EAJko legebiltzarkideak nabarmendu duenez, Estatu espainiarrari dagokio pentsioei buruzko eskumena eta pentsio baxuenak diru-sarrerak bermatzeko errentarekin osatzen dira, nahiz eta 1.080 eurora ez iritsi. "Utz ditzagun alde batera demagogia eta jarrera populistak. Ezin dira erakundeen hutsune guztiak diru-sarrerak bermatzeko errentarekin bete", gaineratu du.
Elkarrekin Podemosen izenean, pentsiodunen bizitza arintzeko bere esku dauden tresnak erabiltzeko eskatu dio Jon Hernandez legebiltzarkideak Eusko Jaurlaritzari. Haren hitzetan, politika publikoak adinekoen zerbitzura ere badaudela erakusteko modu bat litzateke.
Jose Antonio Pastor PSE-EEko legebiltzarkideak Diru-sarrerak Bermatzeko Legearen erreforma defendatu du, pentsiodunek laguntzak jasotzeko aukera izan dezaten. Gaineratu duenez, Jaurlaritzak botikak eta energia gastuak ordaintzen dizkie pentsio baxuenak dituztenei.
PPko Anton Damborenearen iritziz, "Espainia da ondoen bizi den munduko herrialdeetako bat". Gaineratu duenez, zenbaitek "nahi ez dutelako ez dute kotizatzen", alarguntasun pentsioa jasotzen duten batzuek bestelako diru-sarrerak dituzte eta Rajoyren Gobernuari esker sistema egonkortzen ari da.
Zure interesekoa izan daiteke
Renferen aldiriko trenak Hendaiara iritsiko dira urrian eta Frantziako abiadura handikoak Irunera, urtarrilean
Brinkola-Irun lineako trenak Hendaiara iristea ahalbidetuko duen akordioa sinatu berri dute Espainiako Garraio Ministerioak eta SNCF Frantziako tren konpainiak, Parisen. Era berean, TGV konpainiako tren lasterrak Gipuzkoako udalerrira arte helduko dira datorren urtetik aurrera.
Talgok eta Renfek 132 milioiko akordioa sinatu dute eta Avril trenen kontratu polemikoa itxitzat eman dute
Akordioaren arabera, Talgok 200 milioi euro jasoko ditu hiru hilabeteko epean, eta Renferekin zuen zigorra 2032an hasiko da ordaintzen.
Gizarte Segurantzako afiliatuen kopuruak gora egin du Euskadin eta Nafarroan, baina langabeziak ere gora egin du
Gipuzkoak izan du langabeen kopuruan gehikuntzarik handiena, eta Bizkaia da nagusi kotizatzaile berrien esparruan. Arabak, aldiz, balantze negatiboa du bi adierazleetan.
Gaurtik aurrera eskatu ahal izango dute Euskadiko familiek seme-alabengatiko 200 euroko dirulaguntza
Seme-alabak 4 urte izan arte luzatuko da laguntza hori, eta lehen aldiz tutoretza- eta harrera-familiei zabalduko zaie. Guraso bakarreko familien kasuan, gainera, seme-alabak 4 eta 7 urte izan bitartean, hilero 100 euroko laguntza jaso ahal izango dute.
Aldundiek eskumena izango dute beste lurraldeetako ibilgailu gidaridunen zerbitzua ematen duten enpresak zigortzeko
Euskadiko Garraio Agintaritzak protokolo bat adostu du VTC zerbitzuetan ikuskapenak eta zehapenak koordinatzeko.
Uztailaren 7an sartuko da indarrean Tubacexen lan-erregulazioa, langile-batzordearekin akordiorik lortu gabe
Aldi baterako lan-erregulazioak 430 langileri eragingo die. ELA sindikatuak iragarri du helegitea prestatzen hasiko dela, eta LAB egoera aztertzen ari da bere zerbitzu juridikoekin.
Jainagak eta Tubacexek Tubos Reunidos erosteko interesa erakutsi dute
Bilboko enpresariak eta Laudioko konpainiak erosketa prozesuaren lehen izapidea bete dute; eskaintza bat aurkeztu aurretiko interesa agertu dute.
Greba mugagabea deitu dute Bergarako eta Zarauzko IAT zentroetan uztailaren 13tik aurrera
ELA eta LAB sindikatuek lanuztera deitu dute lan-hitzarmena berritzeko negoziazioaren "blokeoa" dela eta.
Eusko Jaurlaritzak hamarren bat igo du EAEko BPGaren hazkundearen 2027rako aurreikuspena, eta 2026koa mantendu du
Aurreikuspenen arabera, enpleguak gora egingo du, industria pixkanaka suspertuko da eta soldatek bilakaera positiboa izango dute. Adierazle horien arabera, euskal ekonomiak "hazkunde egonkorraren bideari" eusten dio.
Batasunetik kanpo erositako 150 eurotik beherako pakete txikien gaineko zerga kobratzen hasi da EB
Europak galga jarri nahi die batez ere Txinatik (Temu, Shein eta AliExpress enpresen bitartez) Europar Batasunean sartzen diren kostu txikiko inportazioei. Orain arte, 150 euroz azpiko pakete txikiak muga-zergak ordaintzetik salbuetsita zeuden.