Espainiako Herri Defendatzaileak ez dio helegiterik aurkeztuko Kupoaren kalkuluari
Francisco Fernandez Marugan Espainiako Herri Defendatzaileak ez du Auzitegi Konstituzionalean Kupoaren kalkulua egiteko moduaren aurkako helegiterik aurkeztuko. Goizean hartu du erabakia eta hala jakinarazi die salaketa aurkeztu zuten hiru lagunei. Herri Defendatzailak ez ditu datu objetiboak aurkitu Kupoaren legearen kontra errekurtsoa aurkezteko.
Fernandez Maruganen esanetan, kupoak eta horren legeak "zalantza legitimoak" sortzen dituzte Konstituzioaren araberako legaltasunaren inguruan, baina zalantza horiek ez dira nahikoak Konstituzioaren aurkakoak direla baieztatzeko, oso legitimoak badira eta hedatuak badaude ere.
Gainera, "gardentasun faltaren" inguruan, Herri defendatzailea aurka agertu da, baina, halere, erantsi du ezin dela Konstituzioaren aurkakotzat jo soilik politikarien artean negoziatu eta kalkuluaren azalpen teknikoa argitaratu ez zutelako.
Lurralde arteko elkartasunari dagokionez, "ez da nahikoa printzipioa aipatu eta salaketa generikoa egitea" Konstituzioaren aurkakotzat jotzeko, Fernandez Maruganen iritzian.
Besteak beste, Gorka Maneiro UPyDko bozeramaile ohiak aurkeztu zuen salaketa Herri Defendatzailearen aurrean. Kupoaren legea "ez dela solidarioa", eta arau horren bidez lortutako dirua "politika abertzaleak bultzatzeko" erabiltzen dela argudiatu zuen Maneirok bere salaketan.
Maneirok bakarrik ez, Alain Cuenca Espainiako finantzaketaren erreformarako batzordeko adituak eta Victor Gomez Frias unibertsitate irakasleak ere aurkeztu zuten kexa bana, Kupoaren kalkulua egiteko metodologiaren kontra. Horien iritzian, "kalkulua okerra da eta ematen dituzten datuak faltsuak dira". Gainera, Kupoak erkidegoen artean "ezberdintasunak eta desorekak" sortzen dituela, eta Konstituzioaren 138.2 artikulua urratzen duela salatu zuten.
Akordioa
Negoziazio luze baten ondoren, Kupoaren inguruko ituna itxi zuten, iazko maiatzean, Eusko Jaurlaritzak eta Espainiako Gobernuak. Bi gobernuek Kupoaren kalkuluari buruz zituzten desadostasunak gainditu zituzten: Euskadik 1.400 milioi euro jasoko ditu 2007-2016 epeari zegokion Kupoaren atzerapenengatik.
Azken 10 urteetako kitapena adosteaz gain, 2017ko behin-behineko Kupoa ezarri zuten bi gobernuek: 956 milioi. Kopuru hori izango da 2017-2021 epeari dagokion zenbatekoa kalkulatzeko oinarria.
EAJ ez du uste helegitea jarriko dutenik
Aitor Esteban EAJren bozeramaileak Espainiako Kongresuan ez zuen uste Kupoaren kontrako helegitea jarriko zuenik Espainiako Herri Defendatzaileak.
Radio Euskadin egindako elkarrizketan, buruzagi jeltzaleak esan du "akats handia" litzakeela errekurtsoa jartzea, alderdi politikoek eta bestelako erakundeek hori egin ez dutenean. "Helegitea jartzeko eskariak hainbat parlamentutara eraman direnean, bozketetan atzera bota dituzte. Horregatik, harrigarria litzateke herri defendatzaileak orain protagonismo hori hartzea", gaineratu du.
Francisco Fernandez Marugan herri defendatzailea ezagutzen duela, eta ez duela uste Konstituzionalera joko duenik esan du Estebanek.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.