Kontsultatu hemen noiz eta non izango diren Osakidetzako azterketak
Osakidetzak dagoeneko ezarri ditu 2016-2017 urteei dagozkien lan eskaintza publikoaren azterketen datak. Hain zuzen ere, maiatzaren 12tik uztailaren 1era izango dira, Gasteizen eta Barakaldoko BECen.
Ikasi beharreko materiala lanpostuen oinarri espezifikoetan zehaztu dute.
Hauek dira azterketen datak eta lekuak:
- Maiatzaren 12an, Gasteizko Elurreta eraikinean: familiako medikua, emagina, osasun mentaleko erizaina, lan osasuneko erizaina, dietetikako teknikaria, osasun dokumentazioko teknikaria, erradioterapiako teknikari espezialista eta audioprotesiko teknikari espezialista.
- Maiatzaren 13an, Gasteizko Elurreta eraikinean: pediatriako medikua, erradiodiagnostikoko teknikari espezialista, anatomia patologikoa eta zitologiako teknikari espezialista eta farmazia laguntzailea.
- Ekainaren 15ean, Barakaldoko BECen: fisioterapia eta administraria.
- Ekainaren 16an, Barakaldoko BECen: erizaintzako laguntzailea, administrari laguntzailea eta zeladorea.
- Ekainaren 17an, Barakaldoko BECen: erizaintza, laborategiko teknikari espezialista eta zerbitzuetako langilea.
Gainerako kategorietako azterketak egun hauetan egingo dituzte, Gasteizen: maiatzaren 19, 20, 26, 27, 29 eta 30; ekainaren 2, 23, 24 eta 30; eta uztailaren 1.
Ia 100.000 hautagai
Orotara 96.235 pertsonak eman dute izena lan eskaintza publikoan. Horietatik, % 75 emakumeak dira. Gainera, % 19 EAE kanpokoak dira.
Eskaera gehien jaso duten kategoria profesionalak honako hauek dira: zaindari (18.134), Erizaintza (13.942), Erizaintza laguntzailea (13.692), Administratibo laguntzailea (13.053) eta zerbitzu langilea (8.392).
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".