96.000 pertsonak baino gehiagok eman dute izena Osakidetzaren Lan Eskaintza Publikoan
96.235 pertsonak (horietatik % 75 emakumeak dira) eman dute izena Osakidetzaren 3.335 plazatako Lan Eskaintza Publikoan (LEP). Azterketak maiatzaren 12tik uztailaren 1era bitartean izango dira, kategoria bakoitzaren arabera.
LEP honetan izena emateko epea apirilaren 5ean amaitu zen. Izena eman duten pertsona guztietatik 72.293 emakumeak dira, eta 23.039 gizonak; eta eskatzaileen % 19 EAE kanpokoak dira, Osakidetzak astearte honetan jakitera eman duenez, ohar baten bitartez.
Eskaera gehien jaso duten kategoria profesionalak honako hauek dira: zaindari (18.134), Erizaintza (13.942), Erizaintza laguntzailea (13.692), Administratibo laguntzailea (13.053) eta zerbitzu langilea (8.392).
Mila eskaera baino gehago jaso dituzte honako kategoria hauek: laborategiko teknikaria (2.268), fisioterapeuta (1.898), erradiodiagnostiko teknikaria (1.542), famili medikua (1.500) eta gizarte-langilea (1.399).
Mediku pediatra izateko 179 pertsonak besterik ez dute izena eman, obstetrizia eta ginekologiaren kasuan 159 kidek eman dute izena, zirugia ortopedikoa eta traumatologiarako, aldiz, 136k, eta oftalmologiarako, 103k.
Lehenengo azterketak: maiatzaren 12an eta 13an
Lehenengo azterketak gai-zerrendan oinarritutako gai-zerrendan oinarrituko dira, eta maiatzaren 12an eta 13 izango dira, Gasteizko Nieves ikasgelategian, besteak beste, honako kategoria hauetarako: mediku familia, emagina, buruko eta lan osasuneko erizainak, erradiodiagnostikoan adituak diren teknikariak…
Ekainaren 15aren eta 17aren artean probak Barakaldon (Bizkaia), Bilbao Exhibition Centren (BEC), izango dira, eta honako kategoria hauek hartuko ditu: fisioterapia, administratibo, erizaintza laguntzaile, laguntzaile administratibo, erizain eta zaindari, besteak beste.
Beste kategoriatarako azterketak Gasteizen egingo dituzte, maiatza eta ekaina arteko egunetan, eta uztailaren 1ean amaituko dira.
Jon Darpon Osasun sailburuak oharrean azaldu duenez, LEP hau Osakidetzaren historiako handienetariko bat da eskainitako plaza kopuruari dagokionez, eta azken urteotan izandako plaza hutsak betetzea ahalbidetuko du, baita langileriaren % 95a egonkortzea ere.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).