Jaurlaritzaren eta Hezkuntzako sindikatuen arteko bilera 'erabakigarria', Gasteizen
Unibertsitatez kanpoko euskal hezkuntza publikoan zabalik dagoen lan gatazka bideratzeko negoziazio mahaiak hitzordu "erabakigarria" du gaur Gasteizen. Eusko Jaurlaritzak deituta, 11:00etan elkartuko dira ELA, LAB eta Steilas sindikatuetako ordezkariak Cristina Uriartek zuzentzen duen saileko kideekin.
Joan den astean sindikatuek bertan behera utzi zuten apirilerako deitutako greba, eta, Bilbon eskainitako prentsaurreko batean azaldu zutenez, Eusko Jaurlaritzako Hezkuntza Sailak mahai sektorialaren bilera deitu zuen apirilaren 18rako. Hori horrela, apirilaren 23ko asterako aurreikusita zuten greba bertan behera uztea erabaki zuten, Jaurlaritzaren eskaintza zein den jakin arte.
Dena dela, ohartarazpena ere egin zuten: "Jaurlaritzak gure aldarrikapenei erantzungo dieten neurriak proposatu ezean, maiatzean mobilizazio eta grebekin jarraitzea beste biderik ez digu utziko".
Sindikatuok salatu zutenez, Jaurlaritzak "greben bezperara itxaroten du negoziazio mahaiak deitzeko". Horien hitzetan, "bost greba egun genituen deituta Jaurlaritza bere jarrera immobilistatik ateratzeko asmoz eta mahai gainean proposamenen bat jartzera behartzeko".
Akordioak Hezkuntza Berezian, haurreskoletan eta sukalde eta garbiketako alorrean
Joan den ostiralean, apirilak 13, LAB, STEILAS eta CCOO sindikatuek eta Eusko Jaurlaritzako Hezkuntza Sailak akordioa sinatu zuten Hezkuntza Bereziko negoziazio mahaiaren bileran.
"Akordio honek, hezkuntza premia bereziak dituzten ikasleekin diharduten langileen lan baldintzak hobetzea dakar", esan zuten aldeek.
Martxoan, berriz, Haurreskolak Partzuergoko negoziazio mahaian akordioa lortu zuten LABek eta Eusko Jaurlaritzak. Sindikatu abertzaleak ordezkaritza sindikalaren gehiengoa du Partzuergoan (% 62).
Halaber, hilabete berean, Eusko Jaurlaritzako Hezkuntza Sailak eta ELAk ez beste sindikatu guztiek akordioa lortu zuten sukalde eta garbiketako negoziazio mahaian.
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.