Osakidetzaren LEPko lehen azterketak asteburu honetan egingo dituzte
Osakidetzako lan eskaintza publikoko lehen probak asteburu honetan egingo dituzte. Guztira, 3.335 plaza eskainiko dira eta lanbide kategoria eta espezialitate mediko ia guztiak sartzen dira. Lan eskaintza publiko honen bidez, azken urteotan metatutako lanpostu hutsak bete eta Osakidetzako langile taldearen % 95 egonkortu ahalko da, euskal osasun zerbitzu publikoak jakinarazi duenez.
Gasteizko Elurretako eraikinean (EHU) egingo dira lehen probak, larunbatean eta igandean, 09:00etatik 17:00etara bitartean. Lehen azterketa horiek egiteko 6.656 pertsonak eman dute izena, 12 kategoriatan banatuta. Izena eman duen pertsona kopurua dela eta, familia medikuaren, erradiodiagnostikoko teknikariaren eta farmaziako laguntzailearen kategoriak nabarmendu dira. Proben antolakuntzan 40 pertsona inguru arituko dira.
Proba horien ondoren, maiatza eta ekaina bitartean eta uztailaren 1a arte, gainerakoekin jarraituko da. Eskari gehien duten kategorietako azterketak, besteak beste, zeladoreena (18.134 eskabide), erizainena (13.942 eskabide), erizaintzako laguntzaileena (13.692 eskabide), administrari laguntzaileena (13.053 eskabide) edo zerbitzuetako langileena (8.392 eskabide), ekainaren 15, 16 eta 17an izango dira, Barakaldoko Bilbao Exhibition Centren (BEC).
Gainerako kategorietarako, maiatzaren 19, 20, 26, 27, 29 eta 30erako eta ekainaren 2, 3, 23, 24 eta 30erako eta uztailaren 1erako egin zaie deia. Gehienak Gasteizko Elurretako eraikinean egingo dira, baina Erizaintza Eskolan eta Arabako Unibertsitate Ospitaleko Medikuntza eraikinean ere egingo dira.
Guztira, 96.235 pertsonak eman dute izena lan eskaintza publikoan, eta gehienak emakumeak dira (%75). Hautagaien jatorria dela eta, %19 inguru Euskaditik kanpokoak dira (18.116 pertsona). Lurraldeka, 17.078 pertsonak eman dute izena Araban, 17.567k Gipuzkoan eta 43.474k Bizkaian.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).