Ibex 35ek % 2,49 behera egin du Espainiako eta Italiako tentsio politikoaren ondorioz
Ibex 35 Espainiako Burtsaren indize nagusiak % 2,49 behera egin du, eta 9.600 puntuko mugatik jaitsi da, otsailetik beherakadarik handiena. Espainiako Gobernuari aurkeztutako zentsura-mozioak eta Italiako krisi politikoak Burtsari eragin diote.
9.521,30 puntutan itxi du saioa indizeak. Bosgarrenez jarraian behera egin du. Gaur 243,10 puntu galdu ditu. Honezkero urteko galerak % 5,20koak dira.
Zorraren merkatuan, Espainiako arrisku-sariak gora egin du, eta 137 puntutan kokatu da, 2017ko apiriletik altuena.
Azken mugimenduen zain egon dira inbertitzaileak, PSOEk Mariano Rajoyren Gobernuaren aurkako zentsura-mozioa aurkeztu ondoren; izan ere, sozialisten zein Ciudadanosen pausoek legealdiaren etorkizuna zalantzan jarri dute.
Italiako agertoki politikoak ere inbertitzaileen alarma guztiak piztu ditu. Trantsizio gobernu berriak Parlamentuaren babesik ez izateko beldur dira. Horrek Italia hauteskunde berri batzuetara bultzatuko luke, eta litekeena da, 5 Izar Mugimenduari eta Iparraldeko Ligari mesede egitea.
Era berean, tentsio politikoek Europako burtsei eragin diete: Milanek % 2,65 egin du behera; Frankfurtek % 1,53; Parisek % 1,29 eta Londresek % 1,26. Bitartean, 2017ko azarotik mailarik kaskarrenean kokatu da euroa, 1,155 dolarretan.
Zure interesekoa izan daiteke
Petronorren Muskizko findegiko unitate guztiak geratu dituzte hornidura elektrikorik ez dagoelako
17:15ean segurtasun-neurri guztiak aktibatu dira automatikoki, eta ke beltza atera da hiru tximinietatik.
Beste greba egun bat Tubos Reunidosen, espedientea negoziatzeko batzarrarekin bat eginez
Langileek 24 orduko geldialdia egingo dute astelehenean zuzendaritzari presioa egin eta enplegu-erregulazioko espedientearen baldintzak hobetze aldera.
Pentsiodunek ez dute trukerako txanpona izan nahi: "Ez dezatela pentsioekin jolastu"
Euskal Herriko Pentsiodunen Mugimenduak deituta, milaka pertsona bildu dira Bilbon eta Donostian egin diren manifestazioetan. Kolektiboak berriro eskatu du gutxieneko pentsioak lanbide arteko gutxieneko soldatarekin parekatzea, bereziki emakume pentsiodunak "duintasunez bizi daitezen eta hilaren amaierara irits daitezen".
Mercosurren eta EBren arteko akordioaren kontra egin dute ehunka lagunek Gasteizen
Lehen sektoreko kideek, traktore eta guzti, manifestazioa egin dute larunbat honetan Gasteizen, Europar Batasunaren eta Mercosurren arteko akordioaren aurka eta Euskal Herriaren elikadura-subiranotasunaren alde. Araba Bizirik, Ataca, Bionekazaritza eta UAGA elkarteek deitutako protestan, itun horrek elikagaien osasuna eta segurtasuna arriskuan jarriko dituela salatu dute, "Europan debekatuta dauden pestizida, transgeniko eta osasunerako kaltegarriak diren hormonak erabiltzen dituzten multinazionalei ateak are gehiago irekitzen dizkielako".
Solaria Zierbena proiektuak Araban "kalte konponezinak" eragin ditzakeela salatu dute
Kaltetutako udalerrietako ordezkariek, eragile sozialek, sindikatuek eta tokiko agintariek protesta egin dute larunbat honetan Gasteizen, Solaria enpresak bultzatutako Zierbena Solar "makroproiektu fotovoltaikoa irmoki gaitzesteko", Araba Bizirik plataformak jakinarazi duenez.
Eusko Jaurlaritzak zuhurtzia eskatu du AEBko Auzitegi Gorenak muga-zergen eta Trumpen tasa global berriaren inguruan hartutako erabakiaren ostean
Gogoratu du indarrean jarraitzen dutela altzairu eta aluminioari (% 50) eta autoei (% 15) eragiten dieten muga-zergek.
Mobilizazio jendetsua egin dute Amurrion Tubos Reunidos eta Maderas de Llodio enpresetako langileei babesa adierazteko
"Ez diegu utziko etorkizuna lapurtzen" lelopean, Amurrioko kaleak zeharkatu dituzte. Aiaraldea eskualdeak egoera kritikoa bizi du, Arabako langabezia-tasa handienarekin, eta mobilizazio horrek inguruko industria defendatzeko ere balio izan du.
Medikuek hiriburuetan egindako manifestazioekin eman dute amaitutzat estatutu propioa eskatzeko astebeteko greba
Parte-hartze handia egon dela ziurtatu dute, eta ezohikoa izan arren, zerbait lortzeko grebaren bidea azpimarratu besterik ez dutela egin. Aldaketarik ez badago, grebaren bigarren astea martxoaren 16an hasiko da.
Lehendakariak iragarri du Ayesaren egoitza Donostian egongo dela
Pradalesek adierazi duenez, Eusko Jaurlaritzak eta erosketan parte hartzen ari diren gainerako akziodunek erabakia hartu dute jada. "Ayesa Donostian sortu eta garatu zen, eta bertan jarraitu behar du", esan du.
Etxebizitzen salerosketak % 14,7 hazi ziren iaz EAEn, 2007ko burbuilako markak gaindituz
INE Espainiako Estatistika Institutuak gaur jakinarazi dituen datuen arabera, salerosketen kopuruak bigarren urtez jarraian egin du gora.