Osakidetzak azterketa guztiak berrikusiko ditu, baina egutegia ukitu gabe
Osakidetzak Lan Eskaintza Publikoko (LEP) 86 kategorietako azterketa guztiak berrikusiko ditu, baina egutegiak bere horretan jarraituko du, ustezko irregulartasunengatik bertan behera utzitako lau espezialitateetan izan ezik.
2016-2017 LEParen Jarraipen Batzordeak bilera egin du gaur Gasteizen. Bertan egon dira Osakidetzako eta lan eskaintza publikoa sinatu zuten sindikatuetako ordezkariak (Satse, Medikuen Sindikatua eta UGT), EAEko Osasun Zerbitzuak bertan azal zitzan ikerketapean dauden azterketetako filtrazioak argitzeko hartu dituen neurriak.
Bileraren ostean, Juan Carlos Soto Osakidetzako Giza Baliabideetako zuzendariak "lasaitasun mezua" helarazi nahi izan die azterketetan parte hartzen ari diren 96.000 hautagaiei, egutegiari eutsiko diotelako eta datozen asteetan egingo direlako, "aurreikusita zegoen moduan", falta diren 19 espezialitateetako azterketak.
Egutegiak aurrera jarraituko duen arren, "Kanpoko eragile aditu batek" Lan Eskaintza Publikoko azterketa guztien "analisi estatistiko eta psikometrikoa" egingo du, bai orain arte egindako 67 kategoriena eta falta diren 19ena. Horren ondoren erabakiko dute informazio txosten gehiago ireki ala ez.
Hori horrela, Kirurgia Plastiko, Angiologia eta Kirurgia Baskularra, Anestesia eta Kardiologia espezialitateen prozesuak soilik gelditu dituzte (susmopean dauden lauak), eta 300 hautagairi eragiten die neurriak. Sindikatuek eta oposizioko taldeek (EH Bildu, Elkarrekin Podemos eta PP) uste dute hamaika espezializatetan izan direla filtrazioak, eta Osakidetza ikertzen ari den arren, prozesuek aurrera jarraitzen dute.
Agustin Gutierrez Medikuen Sindikatuko ordezkariak gustura hartu du Osakidetzaren "jarrera aldaketa", "ezer ez dela gertatzen teoria baztertu eta ikertzen hasi" delako.
LABek ez du parte hartu jarraipen batzordean, bere garaian ez zuelako LEP deialdia sinatu, baina gaur goizean Arabako Fiskaltzarekin elkartu da eta iragarri du, ELAk egin zuen moduan, EAEko Justizia Auzitegi Nagusiaren aurrean salatuko duela kasua.
ELAren hitzetan, gertatutakoa “ez da fenomeno bakan bat izan, zerbitzuburu batzuek zuzendutako sistema ustel baten erakusgarri baizik”.
Osakidetza eta Osasun Saila “prozesua zinismo ikaragarriarekin kudeatzen” ari dira; izan ere, “ororen berri izan dute”, sindikatu abertzaleak erantsi duenez.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".