LABek Fiskaltzara joko du Osakidetzako azterketen ustezko irregulartasunengatik
LABek ostiral honetan jakitera eman duenez, "egoeraren larritasuna kontuan hartuta", datorren astean Fiskaltzara joko dute sindikatuak duen informazio guztia EAEko Justizia Auzitegi Nagusiaren esku ipintzeko eta Osakidetzako azterketen ustezko irregulartasunak argitzeko ikerketa abiatzea eskatzeko.
Gorka Berasategi LABeko zerbitzu publikoen sektoreko ordezkariaren hitzetan, Osakidetzako Lan Eskaintza Publikoaren azterketetan gertatutakoa ez da behin soilik gertatu: "Medikuntza espezializatuko kategoria gehienetan zabalduta dagoen bezeroen mesederako sistema bati buruz ariko ginateke, LEP honetan, zein aurrekoetan ere. Azken finean, inpunitate osoz funtzionatu duen sistema da eta jende askoren inplikazio aktibo edo pasiboa behar izan du. Panorama honen aurrean, zaila da pentsatzea Osakidetzan zein Osasun Sailean inork ez zekiela zer gertatzen ari zen".
Berasategiren ustez, gainera, sistema hori ez da bakarrik Osakidetzara mugatzen, "EAEko Administrazio Publikoaren sektore guztietan gertatzen delako".
Ikerketa "independentea" egiten duten bitartean, oraindik egin gabe dauden gainerako azterketak bertan behera uzteko eskatuko dutela gaineratu du Berasategik.
Halaber, erantzukizun politikoak eskatu ditu sindikatuak, hasiera batean Osakidetzako "arduradunek salaketa guztiak ukatu baitzituzten, ondoren begien bistakoa zegoena onartzeko". Hori dela eta, "Darpon sailburuari kargua lehendakariaren esku uzteko" eskatu diote.
Bestalde, ESK sindikatuak orain arte bildutako informazio guztia EAEko Justizia Auzitegi Nagusiari emango diola esan du, Auzitegiak LEPren inguruko irregulartasun guztiak azter ditzan.
Zure interesekoa izan daiteke
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.