Eusko Jaurlaritza ez dago funtzionarioen soldata % 1,75 igotzearen aurka
Eusko Jaurlaritza ez dago funtzionarioen soldata % 1,75 igotzearen kontra. Hasiera batean % 1,5eko igoera izan behar zuten EAEko funtzionarioek. Baina horretarako aurrekontu legea aldatzea beharrezkoa litzatekeela gogorarazi du Jaurlaritzak; ondorioz, Eusko Legebiltzarraren oniritzia beharrezkoa da.
Aurten soldatak % 2,3 igotzea aurreikusi dute EAEko kontuek: % 1,5eko igoera zuzena lansarian, eta % 0,8ko zeharkako portzentajea, Itzarri pentsio-planari ekarpena egiteko, Josu Erkoreka Eusko Jaurlaritzako bozeramaileak Gobernu Kontseilua bildu ondoren azaldu duenez.
Iragan astean onartutako Estatuko Aurrekontu Orokorrek lansarien % 1,75eko igoera ezarri zuten, eta portzentajea % 2,25era igotzeko aukera ematen diete erkidegoei, zeharkako zenbait osagarriren bidez.
% 2,3ko soldata igoera onartu zuen Eusko Jaurlaritzak, Estatuarena (% 2,25) baino apur bat handiagoa, baina oraindik ez du aplikatu. Ondorioz, EAEko funtzionarioek hilero % 1,75 gehiago kobratuko ote duten erabaki baino lehen, Espainiako Gobernuarekin akordio batera heltzea beharrezkoa da.
Erkidegoko aurrekontuak Auzitegi Konstituzionalera eramateko asmoa iragarri zuen PPren Gobernuak martxoan, soldata igoera handiegia jasotzen zutela argudiatuta.
Azkenean helegite hori aurrera ez eramateko, bi administrazioak aldebiko batzordean bilduko dira, EAEko zenbatekoak Estatukoekin “bateragarriak” diren aztertzeko.
Batzordea hilabete honetan biltzea espero du Erkorekak. Jaurlaritzako bozeramailearen ahotan, “bi aldeen borondatea gaia desblokeatzea da”, Euskadiko kontuak auzitara eramatea “zentzurik ez duelako”.
Hala eta guztiz ere, Jaurlaritza ez dago soldata igoera % 1,75era hurbiltzeko aukera horren aurka, nahiz eta Itzarriko ekarpena murriztea eta Eusko Legebiltzarrak aurrekontuak aldatu beharra suposatu.
Soldata igoera aplikatzeko epeak luzatuko lituzke horrek, baina urtarrilak 1etik atzeraeraginezko neurria izango litzateke, Erkorekak ziurtatu duenez.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.