EAEk 150 milioi euro gehiago izango ditu, defizit muga berriaren ondorioz
Josu Erkoreka Eusko Jaurlaritzako bozeramaileak adierazi duenez, Espainiako Gobernuak iragarritako defizit helburu berriaren ondorioz, Euskal Autonomia Erkidegoak 150 milioi euro gehiago biltzea ekarriko du.
Espainiako Gobernuaren Ministro Kontseiluak % 2,7ko defizit muga ezartzea onartuko du ostiralean egingo duen batzarrean. Datorren urterako, berriz, % 1,8koa izango da defizit helburua.
Erkorekak erabaki "positiboa" dela esan du, eta erantsi du, lehendabiziko kalkuluen arabera, Euskal Autonomia Erkidegoak 150 milioi euro inguru gehiago izango dituela neurri horri esker.
Horrez gain, Erkorekak aderazi du litekeena dela Eusko Jaurlaritzaren eta Espainiako Gobernuaren aldebiko batzordea hil honetan biltzea, Gernikako Estatututik transferitu gabe dauden eskumenez hitz egiteko eta Mariano Rajoyren Gobernuak hainbat euskal legeren aurka Auzitegi Konstituzionalean jarritako errekurtsoak aztertzeko.
EAJ eta PSE-EEren arteko desadostasunak
Bestalde, EAJk eta PSE-EEk Eusko Legebiltzarreko autogobernu lantaldean dituzten ezberdintasunek Eusko Jaurlaritzaren jardunean eraginik izango ez duela agindu du.
Estatutu politiko berriari buruzko eztabaidan desadostasunak izango zituztela bi alderdiek jakin bazekitela eta gobernu-programa adosterakoan hori aurreikusita izan zutela esan du.
Ildo horretan, autogobernu lan-taldean bakoitzak bere aldetik jarduteko eta bakoitzak berea defendatzeko "eskubide osoa" zutela erantsi du. "Hori bai akordioa zenbat eta handiagoa izan, hobeto", gaineratu du.
Zure interesekoa izan daiteke
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.