Bergarako epaitegiak Mondragon Taldea absolbitu du Fagorreko ekarpenen auzian
Fagor Etxetresnak eta Edesa kooperatibetako borondatezko ekarpenen auzian, Bergarako Lehen Auzialdiko eta 1. Instrukzio Epaitegiak atzera bota du 900 bazkide ohi inguruk Mondragon Taldearen kontra aurkeztutako auzi eske kolektiboa, preskribatuta dagoela iritzita.
Gaur ezagutzera eman den epaian, epailea ez da mamian sartu eta osorik atzera bota du kooperatibako langile ohien talde batek jarritako demanda. Aldi berean, Mondragon Taldea absolbitu du. Salatzaileek 47,8 milioi euro eskatzen zizkioten Mondragon Taldeari.
Epaia ez da irmoa eta aldeek helegitea jar diezaiokete 20 eguneko epean Gipuzkoako Probintzia Auzitegian.
Auzi-jartzaileak batzen dituzten Ordaindu eta Eskuratu elkarteek epaiketan salatu zutenez, bazkideei "mezu faltsuak eta okerrak" helarazi zizkieten beren aurrezkiak Fagor Etxetresnak eta Edesa kooperatibetan mantentzeko.
Mondragon Taldeak, berriz, Fagor Etxetresnak eta Edesa kooperatiben krisian inolako erantzukizunik ez zuela ziurtatu zuen epaiketan. Horrez gain, bazkideek kooperatiben erabakien eta arriskuen berri bazutela azpimarratu zuen. Bestalde, auzia preskribituta zegoela argudiatu zuen.
Epaiaren balorazioa
Mondragon Taldeak (MCC) epaiaren oso balorazio positiboa egin du. Ohar batean azpimarratu duenez, epaiketan zehar "argi eta garbi" gelditu zen ez ziela iruzurrik egin auzi jartzaileei eta berretsi egin ziren hasieratik defendatu dituen argudioak. "Hots, kooperatibak autonomoak eta burujabeak dira, eta, beraz, horien etorkizunari buruzko erabakien erantzukizuna kooperatibena eta soilik horiena dela, beste ezein instantziatara eskuordetzeko aukerarik izan gabe. Eta, jakina, Mondragonek ez di iruzurrik egin auzi jartzaileei".
Auzi-jartzaileek bere aldetik, epailea auziaren mamian sartu ez izana deitoratu dute. Ohar batean salatu dutenez, epaileak "entzungor egin du frogatuta dauden eta MCCk ezeztatu ez dituen egitateen aurrean".
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.