Markaidek adierazi du ez zutela esan ekarpenak bermatuta zeudenik
Agustin Markaide Eroskiko presidenteak esan duenez, ez zieten esan Fagor Etxetresnak-eko bazkideei ekarpen boluntarioak bermatuta zeudenik, ezta Mondragon Korporazioak baliabideak mugarik gabe bideratuko zituztela ere, kooperatiba mantentzeko.
Fagor Etxetresnak eta Edesa enpresetako zenbait bazkide ohik Mondragon Korporazioaren aurka jarritako salaketa kolektiboa dela eta Bergaran egiten ari diren epaiketan egin ditu Markaidek adierazpenok. 47,8 milioi euro eskatu dizkiote Korporazioari salaketaren bidez, 2013an Fagor erori ostean egindako ekarpen boluntario eta merkataritza-maileguengatik.
Eroski Taldeko presidentea deklaratzera deitu dute Mondragon Korporazioko presidentea izan zelako, Fagorri emandako laguntzak (70 milioi eurokoak) onartu zirenean.
Saioak bi ordu baino gehiago iraun du, Bergarako 1 zenbakiko Instrukzio Epaitegian, eta Javier Retegi Fagor Etxetresnakeko zuzendaritza batzordeko presidente ohiak eta Ana Maria Beristain Fagor Etxetresnakeko zuzendaritza batzordeko presidenteorde ohiak ere deklaratu dute. Biek ere ekarpen boluntarioak egin zituzten, eta galdu ere, baina ez zuten salaketarik ipini, azaldu dutenez.
Markaideren esanetan, 2013an Fagor Etxeresnaken "konponbide" bat egiteko lanean zebiltzan, jarduerari aurre egiteko beharrezko "baliabideak" izateko. Hori dela eta agertu zen Berregituraketa eta Sozietate-Enplegurako Funtsa, eta organo horrek "Taldeko kooperatiba guztiek ordaindutako 70 milioiko ekarpena egin zuen, Fagor Etxetresnaken mesedetan".
Ildo horretatik, aipatutako funtsak 70 milioiko ekarpena onartu ezean, itxiera eta erregulazio txostenaren aukera baino ez zuten aztertu, baina neurria onartu zuten urte horretako maiatzean egindako bazkideen biltzarrean. Kooperatibaren diru beharraz, Markaidek azaldu du Kreditu Institutu Ofizialaren ekarpen baten zain zeudela, eta heltzen ez zela ikusita, Fagor Etxetresnakek Korporazioari dirua eskatu beharrean ikusi zuen bere burua.
Hala, Markaidek baieztatu egin du ez zietela Fagor Etxetresnaken bazkideei ziurtatu ekarpenak "bermatuta" zeudenik, ezta Mondragon Korporazioak baliabideak mugarik gabe bideratuko zituztela ere.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.