Navalek eta Van Oordek irailean jarraituko dute negoziatzen dragaren gainean
Navaleko zuzendaritzak eta Van Oord armadore holandarrak irailean ekingo diete berriro 'Vox Alexia' dragaren gaineko negoziazioei; izan ere, eztabaidatu behar dute ea aipatutako ontzia Navalen Sestaoko instalazioetan amaituko duten ala ez.
Europa Pressi ontziolatik gertuko iturriek jakitera eman diotenez, bi aldeek erabaki dute abuztua amaituta berrartuko dituztela negoziazioak; izan ere abuztua hilabete "korapilatsua" da Van Oordek finantza-entitateekin hitz egin dezan. Finantza-erakundeak dira, orain, ontziaren jabeak, eta Van Oordek armazoia berriro erostea negoziatu beharko luke haiekin, abalak itzulita.
Astearte honetan Rotterdamen egindako bileran, Van Oordeko Kontseilu Exekutiboak esan dio ontziolaren Zuzendaritzari "zalantzak" dituela, ontzia amaitzeko egin beharreko lanen gainean, kontuan izanik enpresa hartzekodunen lehiaketan dagoela. Hori dela eta, azalpenak eskatu ditu, jakiteko nolako bilakaera izaten dituzten horrelako lehiaketak Estatuan.
Bestalde, holandar enpresak negoziatu behar ditu beste 'tax lease' baten baldintzak, aukera izateko ontziaren kostua % 20 merkeagoa izan dadin. Hain zuzen ere, ontzi-enpresek, Estatu espainiarrean ontziak erosten dituztenean, zerga-murrizketak izan ditzakete.
Enpresa Batzordea, kezkatuta
Enpresa Batzordea, bitartean, kezkatuta agertu da; izan ere, haren iritziz, arriskua dago negoziazio-prozesuak luze jotzeko. Gaurko bileran, Navaleko Zuzendaritzak adierazi dienez, "alde teknikoak eta finantzazio-arloak jorratu dituzte, horiek bakarrik".
Iturri horiek nabarmendu dute langileak "nekatuta" daudela, negoziazio-prozesua luzatzen ari delako, eta baieztatu dute beldur zirela, bilera hasi aurretik, uste baitzuten armadoreak ez zuela konpromiso finkorik hartuko gaur, eta, halaber, ez zuela argituko draga Sestaon geratuko den ala ez, "Zuzendaritzak hala uste bazuen ere". "Ez dute konpromisorik hartu, eta, laburbilduz, berdin jarraitzen dugu; bilera gehiago egoteko zain gaude, ea akordioak ixten dituzten", esan dute.
Irailean, ontziola eta armadorea berriro bildu orduko, baliteke egun indarrean dagoen EEEa amaituta izatea, hilabete horren amaieran bukatuko baita. Langile guztiak daude EEE horren barnean.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek, maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.