Defizit mugan Senatuaren beto gaitasuna kentzea adostu dute Gobernuak eta Podemosek
Espainiako Gobernuak eta Podemosek Egonkortasun Legea aldatzea adostu dute, Senatuak Espainiako Gobernuak proposatutako finkatze fiskalerako bideari betoa jartzea saihesteko, Pablo Echenique alderdi morearen Antolakuntza idazkariak esan duenez.
Hitzarmen horren bidez, legearen 15. artikulua kenduko dute, egonkortasun helburuak soilik Diputatuen Kongresuak bozkatzeko, Senatutik igaro gabe. Horrela, PPk Goi Ganberan duen gehiengo osoa ekidingo dute.
"PPri Estatuaren Aurrekontu Orokorren gainean dituen azken tresna kenduko diogu horrela, hau da, hauteskunde indarrarekin bat ez datorren gehiengo osoaren bitartez defiziterako bideari betoa jartzeko aukera", esan du Echeniquek.
Podemosen arabera, erreforma lege-dekretu bidez egin liteke, baina ez dute hori bileran adostu. "Eztabaida juridiko interesgarria" izan dute, Podemosen idazkariaren esanetan.
EFE agentziaren arabera, Ogasun Ministerioaren iturriek gauza bakarra baieztatu du: negoziazioan aurrerapenak izan direla.
Unidos Podemosek 2019-2020an egonkortasuna bultzatzeko bidea babesteko jarri zuen baldintzetako bat Egonkortasun Legea indargabetzea zen. Gobernua kontra azaldu zen, Europar Batasunarekin apurtzea dela uste duelako.
Pedro Sanchez presidenteak eta Pablo Iglesias Podemoseko idazkari nagusiak horretaz hitz egin dute azken egunetan, eta erdibideko erreforma bat hitzartu dute azkenean.
Akordio gehiago
Echeniqueren hitzetan, botiken koordainketa kentzeko eta 2018ko eta 2019ko pentsioak KPIaren arabera eguneratzeko akordioak ere lortu dituzte.
Ordainketa bakar baten bidez eguneratuko dituzte 2019an aurtengo pentsioak, konpentsazio gisa.
"Nahiko baikorrak gara gai honetan. Oinarrizkoa da gure herrialdeko jendeak ospitaleetan, ikastetxeetan eta euren poltsikoetan nabaritzea akordioak", esan du Echeniquek.
Dena den, "neurri asko zehazteko daude", gaineratu du, Mendekotasun Legearen, Hezkuntzaren, Osasunaren eta pentsioen sistema publikoaren iraunkortasunaren ingurukoak ez baitituzte oraindik adostu.
Zure interesekoa izan daiteke
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.