Ehunka pentsiodunek 'borrokan' jarraituko dutela adierazi dute Bilbon
Ehunka pentsiodunek elkarretaratzea egin dute berriro astelehen honetan, Bilboko udaletxe aurrean, pentsio "duinak" eskatzeko. Bizkaiko talde horretako bozeramaileek esan dutenez, protestekin jarraitzeko asmoa dute. "Borroka hau irabazi egingo dugu", nabarmendu dute.
Hala esan du Andrea Uña kolektibo horretako ordezkariak. Halaber, Bizkaiko pentsiodunen elkarretaratzeek udan ez dutela etenik izan azaldu, eta astelehenero Bilboko udaletxe aurrean eta beste udalerri batzuetan jarraituko dutela ohartarazi du.
Horrez gain, urriaren 1ean, adinekoen egunarekin bat, kolektiboaren seigarren manifestazioa egitea aurreikusi dute.
Gaurko mobilizazioan aurreko batzuetan baino parte-hartzaile gutxiago izan dira, baina abuztuaren 20an, jaietan, Bilbon deitutako manifestazioaren "oso balorazio positiboa" egin dute pentsiodunen mugimenduko ordezkariek. Milaka pertsona bildu ziren bertan; 10.000 inguru, Udaltzaingoaren arabera.
Bozeramaileen hitzetan, zifra hori zabaltzea "zehaztasun falta bat" da, eta kolektiboa errespetuz tratatzeko eskatu die komunikabideetako eta erakundeetako arduradunei.
Bestalde, manifestazioaren egunean Bilboko udaletxe aurreko eskailerak hesiz ixtea eta ostegunean, Aste Nagusian ohiko udal harrera egiteko, sarbidea irekitzea kritikatu dute.
Pentsiodunak, udaletxeko eskaileretan. EFE
Kolektiboaren eskarien artean, hauek daude: pentsioen sistema publikoaren defentsa, pentsiodun guztientzako 1.080 euroko pentsio minimoa ezartzea eta KPIaren igoera bermatzea eta iraunkorra izatea.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.