Sestaoko Naval likidatzeko eskaera egingo dute epaitegian
Sestaoko Navalen likidazio prozesua abiaraz dezala eskatuko du Construcciones Navales del Norte konpainiak epaitegian. Hala erabaki du astelehen honetan CNNren Administrazio Kontseiluak.
Nolanahi ere, Van Oord armadorearekin negoziatzen eta inbertitzaileak bilatzen jarraituko dutela azpimarratu du konpainiak. Besteak beste, 'Alexia' draga eraikitzen amaitzeko Sestaoko ontziolaren etorkizuna bermatuko duen inbertitzaile sendo bat exijitzen du Van Oordek.
Navalen zuzendaritzak hilabeteak daramatza Van Oord armadorearekin eta 347 ontzia eraikitzeko egitasmoan sartuta dauden banketxeekin negoziazioan, baina orain arte ez dute inolako akordiorik egin. Gainera, konpainiak ohar bidez azaldu duenez, hartzekodunen ituna aurkezteko epe legalak agortu dira jada.
Bestalde, Navaleko enpresa-batzordeak ohartarazi du likidazio prozesua abiarazita, ontziolaren etorkizuna "arrisku handian" jarri dutela.
Gauzak horrela, langileen ordezkariak Arantxa Tapia Garapen Ekonomikoko eta Lehiakortasuneko sailburuarekin eta Jesus Loza Espainiako Gobernuak Euskal Autonomia Erkidegoan duen ordezkariarekin bilduko dira ostegunean. Gainerako erakundeekin batzartzeko asmoa ere iragarri dute, "Sestaoko ontziolarentzat irtenbidea bilatzeko asmoz".
Ildo berean, Van Oord armadorearekin biltzea eskatuko dutela jakinarazi dute. "Ontziolako langile guztiokin hartu zuen konpromisoari euts diezaiola eta, beraz, hasitako lanak amaitu ditzala galdegingo diogu", aurreratu dute.
Enpresa-batzordeak elkarretaratzea deitu du ostegunean, 09:00etan, SPRIk Bilbon duen egoitzaren parean. Halaber, urriaren 2an langileen asanblada egingo dute.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).