AHTren Bilboko eta Gasteizko sarreren proiektuak amaitu ditu Sustapen Ministerioak
Abiadura Handiko Trena Bilbon eta Gasteizen nola sartuko den zehazten duten proiektuak amaitutzat eman ditu Espainiako Sustapen Ministerioak, eta 2019ko martxoan onartzeko eta publiko egiteko konpromisoa hartu du.
EFE berri-agentziak zabaldu duenez, Espainiako Gobernuko eta Eusko Jaurlaritzako ordezkaritza bana Madrilen bildu dira gaur egitasmo horiei lotutako desadostasunak argitzeko asmoz.
Ezberdintasun nabarmenak Bilboko sarbidearen harian izan dituzte. Pedro Sanchezen Gobernuak aldaketak egin nahi zituen proiektu horretan; Eusko Jaurlaritzak, ostera, PPren Gobernuarekin joan den martxoan adostu zuen egitasmoa bere horretan mantentzea exijitzen zuen.
Azkenean, Sustapen Ministerioak onartu egin du Bilborako hitzartutako proiektua bere horretan uztea.
Horrenbestez, AHT lurpetik sartuko da Abandoko geltokian, eta horretarako 6,2 kilometroko tunela egingo dute. Geltokiak bi solairu izango ditu, batean aldiriko trenak izango dira, eta bestean, ibilbide luzekoak eta abiadura handikoak.
Gaurko bilera Bilboko proiektua ixteko deitu badute ere, Eusko Jaurlaritzak AHTren Gasteizko sarbidearen egitasmoa ere jarri du mahai gainean.
Arantxa Tapia sailburuaren departamentuak jakinarazi duenez, bi administrazioek joan den irailaren 13an egindako batzar batean adostu zuten Abiadura Handiko Trena Gasteizen lurpetik sartuko dela eta egungo geltokia eraberritu egingo dutela.
Hala ere, proiektuaren xehetasunik ez dute eman. AHTren sarerra eta geltokia nolakoa izango den ahalik eta azkarren publiko egitea espero dute agintariek.
Espainiako Sustapen Ministerioak 2019ko martxoan aurkeztuko ditu Gasteizko eta Bilboko egitasmoak.
Zure interesekoa izan daiteke
Azken hamarkadan, nabarmen handitu da hipotekarako eskatzen dugun diru-kopurua: % 30 gehiago
Azken hamarkadan, etxebizitza ordaindu ahal izateko hipoteken zenbatekoak gora egin du Euskadin, Nafarroan eta Espainian. Izan ere, 2024. urtean azken hamarkadako markak hautsi ditugu.
Etxebizitzen eraikuntza gelditu den arren... Salerosketen kopurua zifra historikoetan dago EAEn eta Nafarroan
Euskadi 80ko hamarkadako erritmoan ari da eraikitzen, eta, hala ere, maximo historikoak gainditu ditu etxeen salerosketa-kopuruari dagokionez. Hori lortzeko, batez ere, bigarren eskuko etxebizitzen merkatua ari da mugitzen: saltzen diren etxeen % 85 ez dira berriak.
Nolakoak dira eraikitzen ari diren etxebizitza berriak?
Eraikitzen diren etxebizitzetatik zenbat dira babestuak? Eta, libreak? Zenbat dira ohiko etxeibizitzak? Eta zenbat daude bizilagunik gabe? Galdera horiek eta beste batzuek EITB Dataren azken txostenean dute erantzuna.
Alokairuak gora egin du Hego Euskal Herria: sei etxetatik batean horrela bizi dira
EITB Dataren arabera, azken hamarkadan, Euskadin, Nafarroan eta Espainian alokairuan bizi diren etxebizitzen ehunekoa sei puntu inguru igo da.
Metro koadroa duela hamar urte baino % 35 garestiagoa da gaur egun Euskadin
Albiste honen barruan aurkituko duzun mapa interaktiboan, nabigatu dezakezu bizi zaren eremu funtzionaleko metro koadroaren prezioa zein den jakiteko: Donostiak jarraitzen du ranking horren buruan, eta ondoren datoz Getxo, Donostialdea eta Mungialdea.
Kamioilariek protesta egin dute Iruñean, "Bidesariei ez" lelopean
Ehun kamioilari baino gehiago bildu dira protestan larunbat honetan Iruñean. Garraiolari nafarrak bidesariak "inposatzearen aurka" agertu dira, eta hauek eskatu dituzte: "bidezko fiskalitatea, azpiegituretan hobekuntzak, belaunaldien arteko erreleboa eta garraiolarien duintasun profesionala bermatuko duten neurri eraginkorrak".
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.
Sidenor buru duen partzuergoak Talgoren % 29,76ren erosketa itxi du 156 milioiren truke
Balore Merkatuaren Batzorde Nazionalak (CNMV) behin-behinean eten du Talgoren kotizazioa, Sidenorrek gidatutako partzuergoak Pegasorekin sinatutako akzioen salerosketa-kontratua sinatu ondoren. Eragiketak otsailean lortutako aurreakordioa berretsi du, eta erosketaren azken faseari ekin dio.