Hezkuntza sare publikoan 1.295,5 milioi inbertituko ditu Eusko Jaurlaritzak
Hezkuntza politikan 2.743,9 milioi euro inbertituko ditu 2019rako Aurrekontu proiektuak, horietatik 1.295,5 milioi sare publikoaren funtzionamendua bermatzeko izango dira, eta 643,3 milioi itunpeko ikastetxeei ordaintzeko.
Ondorioz, sare publikoaren aurrekontu-sailak % 8,5 gora egin du 2018ko aurrekontuekin alderatuta. Aurten aurrekontu-saila 1.193,5 milioikoa da. Bitartean, itunpeko ikastetxeen kasuan gorakada txikiagoa izango da, % 3,2ekoa (2018an 523,3 milioi) hain zuzen ere.
Haurreskolak Partzuergoak 47,5 milioi euro jasoko ditu; aldi berean eskaintza pribatua zein udalek eskainitako plazak diruz lagunduko dituzte.
Bestalde, Osasun Sailak aurrekontu-sail handiena izango du 2019an, 3.800 milioi euro, aurten baino % 3,3 gehiago. Horrela, Osakidetzaren partidak % 4,4 gora egin du, 2.874 milioi. Osasun zentro pribatuen sailak, ostera, % 9,1 behera egingo du (228 milioi).
Pedro Azpiazu Ogasun eta Ekonomia sailburuak aurrekontu egitasmoa entregatu du gaur Eusko Legebiltzarrean. Osakidetzaren kontratu-programak ia 122 milioi euro gehiago jasoko ditu. Osasun zentro pribatuek, aldiz, ia 23 milioi gutxiago.
Gainera, gizarte-inklusiorako diru-laguntzak mantentzen ditu 2019rako aurrekontu proiektuak. Gizarte-bazterketaren aurka borrokarako 497,9 milioi euro bideratuko ditu EAEko Exekutiboak.
Konkretuki, diru-sarrerak bermatzeko errentarentzako eta etxebizitzarako prestazio osagarriarentzako 470 milioi izango ditu Lanbidek.
Honenbestez, Jaurlaritzak aurten baino 19,1 milioi euro gutxiago xahutuko ditu diru-sarrerak bermatzeko errentan eta etxebizitzarako prestazio osagarrian, diru-laguntzak jasotzen dituzten pertsonen kopuruak behera egitea espero dutelako.
Azkenik, Emakunderen aurrekontuak % 8,6 gora egingo du datorren urtean, besteak beste, gizon-emakumeen arteko soldata arrakalaren kontra borroka egiteko.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.