Hirikoren porrotean enpresako arduradunak errudun izan zirela berretsi dute
Afypaidako lau administratzaileak Hiriko auto elektrikoaren porrotean errudun izan zirela baieztatu du Arabako Lurralde-auzitegiak. Afypaida Hirikoren enpresa nagusia zen. Hirikok 15,7 milioi euroko diru-laguntza publikoa jaso zuen, gehienak (14,7) Zientzia eta Berrikuntza Ministerioaren eskutik.
Gaur jakinarazi duen epaian, Ministerio Fiskalaren helegitea atzera bota du Arabako Auzitegiak. Fiskaltzak zigor handiagoa eskatu zuen. Horrela, 2017ko abenduan Gasteizko merkataritza arloko epaitegiak hartu zuen erabakia berretsi du auzitegiak.
Konpainiaren porrotean enpresako lau arduradunak errudun zirela ebatzi zuen epaitegiak: Jesus Echave, Iñigo Antia, Jose Luis Bengoechea eta Fernando Achaerandio.
Epaiaren kontrako helegitea aurkeztu zuen fiskalak, Afypaidaren operazio batean frogen balorazioan hanka-sartze bat egin zutela argudiatuta. Hirikoren kaudimen-gabezia areagotu zuela uste du Ministerio Fiskalak.
Hala ere, Fiskaltzak administratzaile bakoitzaren zigorra areagotzea espresuki eskatu ez zuela azaldu du orain Arabako Auzitegiak, ezta inhabilitazioa luzatzea ere. Azken finean, zigor adierazpen irmoago bat eskatu du, baina eskakizunak zehaztu barik.
Administratzaileen arduragabekeriagatik Afypaida erruduntzat jo zuen epaitegiaren sententziak dagoeneko, auzitegiak azaldu duenez. Fiskaltzaren helegitea onartuko balu hasierako ebazpena praktikan aldatuko ez lukeela erantsi du. Hirikoren arduradunek jokabide “zentzugabearekin” kaudimen-gabezia areagotu zutela azaldu zuen aurreneko epaiak.
Fiskaltzak 10 urteko inhabilitazioa eskatu zuen Hirikoren lau arduradunentzat. Baina Arabako Auzitegiaren hitzetan, errekurtsoa epetik kanpo aurkeztu zuen fiskalak.
Era berean, ingeniari baten beste helegite bat atzera bota du auzitegiak. Erabakiari Auzitegi Goreneko arlo zibileko salaren aurrean errekurtsoa aurkezteko aukera dute aldeek orain.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.