Aurrekontuen inguruan 'hitz egiten jarraitzea' adostu dute EAJk eta EH Bilduk
"Hitz egiten jarraituko dugu". Halaxe laburbildu du Arnaldo Otegi EH Bilduko koordinatzaile nagusiak EAJko ordezkaritza batekin gaur 2019ko Aurrekontuen inguruan izan duten bileraren emaitza. Eusko Jaurlaritza osatzen duten bi alderdiek, EAJk eta PSE-EEk, gutxienez beste alderdi baten babesa behar dute EAEko kontuak aurrera ateratzeko. EH Bilduri proposamena "berregokitzeko" eskatu dio, bestalde, EAJk.
Bilera Sabin Etxean egin dute bi alderdiek. Koalizio subiranistaren izenean Arnaldo Otegi, Maddalen Iriarte eta Nerea Kortajarena izan dira. Batzar horren ondotik, Pedro Azpiazu Ogasun sailburuarekin ere batzartuko direla iragarri du Otegik.
Koalizioak aurrekontuetarako proposamena aurkeztu die jeltzaleei. Proposatutakoak 420 milioi euroko inbertsioa dakar. 350 milioi euro "pentsiorik baxuenak dituztenen bizi-baldintzak hobetzera" daude zuzenduta, eta beste 70 milioi euro, "kalitatezko" enplegua sortzera, "prekarietate handiena bizitzen ari direnei" arreta berezia eskainiz, hau da, "emakumeei, gazteei eta epe luzeko langabeei".
"Ideia oso sinplea da: ezberdintasun sozialak azalerazten zituzten aldarrikapen ugari entzun genituen gure kaleetan: emakumeenak, pentsiodunenak, gazteenak... Ezberdintasun horiek zuzentzen hasteko proposamena egin dugu", azaldu du Otegik.
Buruzagi abertzalearen esanetan, EAJk "antzeko diagnosia egin du, baina ezberdintasun nagusiak zuzenketak egiteko behar den diru kopuruan ditugu". Hala, EH Bilduren koordinatzaile nagusiak aitortu du "zailtasun batzuk" azaldu direla negoziazioan, baina halere, "aukera paregabea" dagoela Euskadik "aurrekontu sozial batzuk edukitzeko".
Era berean, Azpiazuk egindako adierazpenak kritikatu ditu Otegik. Sailburuaren arabera, "ez da bideragarria" pentsio baxuenak konpentsatzeko koalizioak proposatutako 350 milioi erabiltzea. Otegik gogorarazi duenez, "aurten 239 milioi euro bideratzen ditu Gobernu honek zorra ordaintzeko, EAE gutxien zorpetutako Estatuko erkidegoa den arren. Beste adibide bat, urtero 5000 milioi ordaintzen dizkiogu Espainiako Armadari. Ezin daiteke esan 11.700 milioiko aurrekontu batetik 420 miloi gastatzea bideragarria ez dela. Pentsiodunei eta emakumeei helarazten diegun mezua eurentzako ez, baina beste gauza batzuetarako dirua badagoela delako".
EAJren balorazioa
Josune Gorospe EAJko legebiltzarkideak prentsaurrekoan azaldu ditu bileraren nondik norakoak. Otegik esandakoaren ildotik, desadostasun nagusia proposamenak jasotako diru kopuruan dute.
Jeltzaleen ustez, EH Bilduren proposamenak "aurrekontu eta eskumen arloan ezarritako mugak gainditzen ditu". Gogorarazi dutenez, Jaurlaritzak ez du pentsioen gaineko eskuduntzarik.
Hori horrela, proposamena "berregokitzeko" eskatu dio EH Bilduri. "Berregokituz gero, akordioa lortzeko aukerak daude. Negoziazio batean alde guztiek eman behar amore dute zerbaitetan", erantsi du.
Gorosperen esanetan, "ez da posible Jaurlaritzaren gizarte politikak iraultzea, gaur gaurkoz aurrekontuen % 80 horretara bideratuta daudelako".
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.