EH Bilduren aurrekontu proposamena ez dela bideragarria esan du Azpiazuk
Pedro Azpiazu Ogasun eta Ekonomiako sailburuak esan duenez, EH Bilduk egin duen aurrekontu proposamena "ez da bideragarria", besteak beste, "gastua 420 milioi eurotan handitu" nahi dutelako.
Eusko Jaurlaritzaren 2019rako aurrekontuak izan ditu hizpide sailburuak, gaur, Radio Euskadiko 'Boulevard' saioan egin dioten elkarrizketan. "Edozein alderdik onar dezake aurrekontu hau, politika onak jasotzen dituelako; ez da ezkerreko edo eskuineko kontu bat", esan du.
Aurrekontuaren zatirik handiena, hamar eurotik zortzi, gizarte gaietara bideratu dutela berretsi du Azpiazuk, eta inbertsio publikoa handitzea dela helburuetako bat ziurtatu du. "% 7,4 handituko da inbertsio publikora bideratutako diru kopurua. Ezinbestekoa da bide hori, izan berri dugun krisi ekonomikoaren ondoren", nabarmendu du.
Aurrekontuak aurrera atera ahal izateko, hitz egiten jarraitzeko borondatea agertu du Jaurlaritzako Ekonomia arduradunak. Alderdi Popularrarekin akordio batera iristea zaila ikusten du, "hasieratik erakutsi duen bide kritikoa" kontuan izanda.
Elkarrekin Podemosen jarrerari buruz, berriz, Azpiazuk ulergaitza iritzi dio Jaurlaritzari "bere politika soziala eta ekonomikoa 180 gradu aldatzea" eskatzea, mahai gainean jarri dituzten aurrekontuak "sozialak" direnean.
Oposizioko alderdi guztiei dei egin die sailburuak, aurrekontuak bideratzeko "ahalegina" egin dezaten. "Ulertzen ditut politikaren mugak, baina berriro pentsatu dezatela", esan du.
Aurrekontuak luzatzeko aukerari buruz galdetuta, Azpiazuk esan du ez dela aukerarik onena, baina hala gertatuko balitz herritarrek "ia antzeman ere ez" luketela egingo.
Zure interesekoa izan daiteke
Abiadura Handiko Trena Abandotik iritsiko da Bilbora, behin-behinean, epeak aurreratzeko
Abiadura Handiko Trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 metro karratu inguru askatu ahal izango dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.