Enplegu eta laguntzarako 48 milioi gehiago proposatu dizkio Jaurlaritzak EH Bilduri
Enplegua sustatzeko eta pentsiodunek zein kolektibo behartsuenek jasotzen duten diru-sarrerak bermatzeko errenta ordaintzeko aurrekontu-saila 48 milioi eurotan areagotzea planteatu dio Eusko Jaurlaritzak EH Bilduri. Horrela, diru-sarrerak bermatzeko errentaren zenbatekoak % 3,5 gora egingo luke 2019ko aurrekontuetan.
Pedro Azpiazu Ogasun sailburuak proposamenaren berri eman du prentsaurrekoan, EH Bildurekin eta Elkarrekin Podemosekin ostiral honetan bildu ondoren, aurrekontuak aurrera ateratzeko negoziazioen markoan.
Bi koalizioekin bildu ondotik, Elkarrekin Podemosekin akordio batera heltzeko aukera guztiz baztertzea errefusatu du Azpiazuk, baina koalizio morearekin itun bat ixteko aukera EH Bildurekin adostasun batera iristea baino “urrunago” dagoela onartu du.
2019ko kontuak onartzea erraztearen truke Lander Martinezen talde politikoak eskatzen dituen neurri “asko” erkidegoaren “eskumen markotik kanpo” daudela eta ekonomikoki “onartezinak” direla azpimarratu du sailburuak.
Bestalde, EH Bilduren kasuan, pentsio baxuak dituzten pertsonei eta baliabide eskasak dituzten beste kolektibo batzuei, diru-sarrerak bermatzeko errentaren bidez, laguntzeko aurrekontu-saila areagotzeko aldaketak barneratzeko prest agertu da Azpiazu.
Neurriok finantzatzeko, datorren urteko aurrekontuetan 48 milioi euroko aldaketa bat sartzeko prest dago Exekutiboa. EH Bilduk, ostera, 420 milioi euro gehiago eskatu ditu.
Hala ere, Exekutiboak neurriotara bideratu dezakeen “maximoa” dela ohartarazi du sailburuak. “Ahal izan duen esfortzu guztia egin du Jaurlaritzak”, nabarmendu du.
Eusko Jaurlaritza hasierako jarreratik “mugitu” dela adierazi du EH Bilduk. Koalizioaren ahotan, pentsiorik baxuenak aurrekontuen bidez osatzeko aukera “onartu” du Exekutiboak, baina Jaurlaritzaren norabide aldaketa oraindik “ez da nahikoa” 2019ko kontuak babesteko; izan ere, bi aldeen arteko desadostasunak “handiak” dira.
Azpiazurekin bildu ondoren koalizioaren ondorioak laburbildu ditu Maddalen Iriarte EH Bilduren Legebiltzarreko bozeramaileak. Datorren astean bilera berria egingo dute bi aldeek.
Azkenik, politikei “bira sozial” bat emateko Eusko Jaurlaritzaren “borondate” falta deitoratu du Elkarrekin Podemosek. Horregatik, kontuak onartzeko akordio bat lortu ahal izatea “zail” ikusten du koalizio moreak.
Azpiazu sailburua eta Elkarrekin Podemoseko ordezkariak. Argazkia: EFE
Zure interesekoa izan daiteke
Etxebizitza sailburuak dio gehiago eraiki behar dela
EITB DATAk ezagutzera emandako datuak aztertu ditugu Denis Itxaso Etxebizitza eta Hiri Agenda sailburuarekin. Dioenez, etxebizitza gehiago eraiki behar da, baina horretarako lurzorua behar da. Epeak murriztea ere helburutzat jarri du sailburuak eta hiruzpalau urtean emaitzak ikusiko direla ziurtatu du.
Azken hamarkadan, nabarmen handitu da hipotekarako eskatzen dugun diru-kopurua: % 30 gehiago
Azken hamarkadan, etxebizitza ordaindu ahal izateko hipoteken zenbatekoak gora egin du Euskadin, Nafarroan eta Espainian. Izan ere, 2024. urtean azken hamarkadako markak hautsi ditugu.
Etxebizitzen eraikuntza gelditu den arren... Salerosketen kopurua zifra historikoetan dago EAEn eta Nafarroan
Euskadi 80ko hamarkadako erritmoan ari da eraikitzen, eta, hala ere, maximo historikoak gainditu ditu etxeen salerosketa-kopuruari dagokionez. Hori lortzeko, batez ere, bigarren eskuko etxebizitzen merkatua ari da mugitzen: saltzen diren etxeen % 85 ez dira berriak.
Nolakoak dira eraikitzen ari diren etxebizitza berriak?
Eraikitzen diren etxebizitzetatik zenbat dira babestuak? Eta, libreak? Zenbat dira ohiko etxeibizitzak? Eta zenbat daude bizilagunik gabe? Galdera horiek eta beste batzuek EITB Dataren azken txostenean dute erantzuna.
Alokairuak gora egin du Hego Euskal Herrian: sei etxetatik batean horrela bizi dira
EITB Dataren arabera, azken hamarkadan, Euskadin, Nafarroan eta Espainian alokairuan bizi diren etxebizitzen ehunekoa sei puntu inguru igo da.
Metro koadroa duela hamar urte baino % 35 garestiagoa da gaur egun Euskadin
Albiste honen barruan aurkituko duzun mapa interaktiboan, nabigatu dezakezu bizi zaren eremu funtzionaleko metro koadroaren prezioa zein den jakiteko: Donostiak jarraitzen du ranking horren buruan, eta ondoren datoz Getxo, Donostialdea eta Mungialdea.
Kamioilariek protesta egin dute Iruñean, "Bidesariei ez" lelopean
Ehun kamioilari baino gehiago bildu dira protestan larunbat honetan Iruñean. Garraiolari nafarrak bidesariak "inposatzearen aurka" agertu dira, eta hauek eskatu dituzte: "bidezko fiskalitatea, azpiegituretan hobekuntzak, belaunaldien arteko erreleboa eta garraiolarien duintasun profesionala bermatuko duten neurri eraginkorrak".
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.