Nafarroako Gobernuak 751 lanpostuko ohiko lan eskaintza publikoa deituko du
Nafarroako Gobernuak 751 lanpostuko ohiko lan eskaintza publikoa (LEP) deituko du 2018an, Nafarroako Gobernuak ohar bidez jakinarazi duenez. Halaxe baieztatu diete Negoziazio Mahai Orokorreko buru izan diren Maria Jose Beaumont Lehendakaritzako, Funtzio Publikoko, Barneko eta Justiziako kontseilariak, Maria Solana Hezkuntzako kontseilariak eta Fernando Dominguez Osasuneko kontseilariak sindikatuei.
Gobernuak azaroaren 15ean aurkeztu zien proposamena sindikatuei eta astebeteko epea izan dute beren alegazioak aurkezteko. Proposamenak aztertutakoan, Nafarroako Gobernuak bere proposamena berretsi du. LAB, CCOO eta UGT sindikatuak abstenitu egin dira, lan eskaintza publikoak aurrera egitea nahi badute ere, "murritzegia" dela uste dutelako. ELA, bere aldetik, aurka agertu da, eskaintzen den plaza kopurua "urria" dela iritzita.
Sindikatuekiko negoziazioa itxita, Nafarroako Gobernuak pertsonalari buruzko foru dekretua onartuko du, eta LEPari buruzko foru dekretua, ondoren. Azkenik, oposizioak deituko ditu.
Hezkuntza Departamentuak 326 lanpostu zehaztu ditu. Horietatik 169 maisu-maistrei dagozkie (98 gaztelaniaz eta 71 euskaraz), 88 Bigarren Hezkuntzako irakasleei (56 gaztelaniaz eta 32 euskaraz), 59 Lanbide Heziketako irakasle teknikoei (50 gaztelaniaz eta 9 euskaraz) eta beste 10 plaza Hizkuntza Eskola Ofizialari (7 gaztelaniaz eta atzerriko hizkuntzetan eta 3 euskaraz). Hortaz, proposatutako lanpostu horietatik 211 gaztelaniaz izango dira (% 64,8) eta 115 euskaraz (% 35,2).
Osasun Departamentuak 236 lanpostu definitu ditu: 233 Osasunbidea Nafarroako Osasun Zerbitzuarentzat eta 3 Nafarroako Osasun Publikoaren eta Lan Osasunaren Institutuarentzat. Osasunbideko 233 lanpostuetatik 56 mediku espezialistei dagozkie, 37 beste mediku batzuei (12 lanpostuk euskarazko hizkuntza eskakizuna dute), 90 osasun arloko diplomadunei (28 lanpostuk euskarazko hizkuntza eskakizuna dute), eta, horiez gain, 10 osasun arloko teknikarientzat, 30 osasun arloko laguntzaileentzat eta 10 zaindarientzat izango dira. Nafarroako Osasun Publikoaren eta Lan Osasunaren Institutuko oposizioari begira, 2 erizain espezialista eta kimikari bat hautatuko dituzte.
Foru Exekutiboaren proposamenak Nukleo Administrazioari dagozkion beste 189 lanpostu ditu. Plaza kopururik handiena (38) suhiltzaileak aukeratzeko da, Beaumont kontseilariak Nafarroako Suhiltzaileen ordezkari sindikalekin adostu eta Gobernuak 2017ko apirilaren 5ean onartutako ehun plazako helburua lortzeko. Halaber, Foruzaingoari dagokionez, 14 inspektore, 31 foruzain eta 24 inspektoreorde hautatuko dira, baina azken plaza horiek ez daude zenbatuta LEParen barruan, ordezkatze-tasa bete gabe gelditu baita.
Zure interesekoa izan daiteke
ELAri kalte-ordaina eman beharko dio Tubos Reunidos Threadsek greba eskubidea larriki urratzeagatik
Enpresak greban zeuden langileak plantillako beste langile batzuekin ordezkatu zituela egiaztatu zuen Lan Ikuskaritzak eta EAEko Justizia Auzitegi Nagusiak ondorio hori berretsi du.
CAFeko langile batzordeak eskatu du kontratuak kalitatezko enplegua ekar dezala "langileentzat eta azpikontratentzat"
Mikel Fernandino LAB sindikatuko ordezkariaren esanetan, albistea oso ona da, eskaria "bolumen handikoa" eta "Europakoa" delako.
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.