Mugako zirkulazioa erabat baldintzatu dute 'txaleko horiek' larunbat honetan
Mugako zirkulazioa erabat baldintzatu dute 'txaleko horiek' larunbat honetan. Frantziako Estatuan beste protesta jardunaldi bat egin dute gaur mugimenduko kideek, erregaien prezioen igoeraren kontra.
Aurreko bi asteburuetan bezala, gaur ere errepidera irten dira ehunka lagun Iparraldean. Biarritzeko ordainlekuan dozenaka lagun bildu dira, eta beste hainbeste Biriatuko ordainlekuan.
Pankartak ordainlekuan kokatu eta itxita geratu da Baionarako noranzkoan. Auto-ilara luzeak sortu dira eta hegoalderako noranzkoan ere trafiko arazoak sortu dira.
Gauzak horrela, arratsaldeko lehen orduan DGTk EAEra ez sartzeko gomendatu die kamioi-gidariei, eta Nafarroako Foruzaingoak kamioien zirkulazioa eten du Arren, mugako kaosa zela eta.
17:30 aldera ireki dute berriz Biriatouko muga.
Protestan ari ziren 'txaleko horiek' ETBko kazetariei egin dizkieten adierazpenen arabera, mobilizazioekin jarraituko dute Gobernuak erregaien prezioa igotzeko asmoa bertan behera utzi arte, eta euren asmoa Biriatuko ordainlekua astebururo blokeatzea da ordura arte.
'Txaleko horiak' Biarritzen. Argazkia: ETB
'Txaleko horiak' Biriatun. Argazkia: ETB
Parisen istiluak izan dira manifestari eta poliziaren artean
Paris erdigunera ere eraman dute protesta 'txaleko horiek', eta aurreko larunbatean gertatutakoaren bidetik, istiluak izan dira manifestari batzuen eta poliziaren artean. Albiste agentziek zabaldu dutenez, gutxienez 224 pertsona atxilotu dituzte Eliseo Zelaien inguruetan.
Edouard Philippe lehen ministroak jakitera eman duenez, 5.500 manifestari kontatu dituzte Parisen eta beste 36.000 pertsona Frantziako Estatu osoan.
106.000 manifestari bildu ziren Parisko Concorde plazan aurreko larunbatean, eta 300.000 lagun inguru mobilizatu ziren protesten lehen asteburuan, azaroaren 17-18an.
Protestaren arrazoiak
"Txaleko horiak" izenez ezagutzen den mugimendua sare sozialen bidez sortu zen, alderdi zein sindikatuetatik at, baina indar handia lortu du.
Emmanuel Macronen Gobernuak erregaien zergak igotzea erabaki du "trantsizio energetikoa" bultzatzeko. Energia kutsatzaileen erabilera "oztopatu" nahi du horrela, eta aldaketa klimatikoari aurre egin. Horretarako, diesela 7,6 zentimo igotzea erabaki du eta gasolina 3,9 zentimo. Urtarriletik aurrera, gainera, 6 eta 3 zentimoko tasa gehigarria aplikatuko dute, gainera, hurrenez hurren, bi erregai mota horietan.
Herritarren gehiengoa igoera horien kontra dagoela esan dute 'txaleko horiek' eta herritarren babes osoa dutela. Gaur egun 1,48 eurotan dago, batez beste, erregaiaren prezioa Frantzian.
Protestak protesta, baina, Macronek, momentuz, erregaien zerga ekologikoa ezartzeko erabakia mantenduko duela iragarri du.
Zure interesekoa izan daiteke
Urrearen eta zilarraren prezioak behera, pasa den astean markak hautsi ostean
Pasa den urtarrilaren 29an ezarri zuen urreak bere azken marka (5595,47 dolar), zilarrak bezala (121,65 dolar).
Tubos Reunidoseko Amurrioko eta Trapagarango batzordeek bilera egingo dute gaur, EEEaren inguruko jarrera erabakitzeko
Enplegu Erregulazio Espedienteak bi lantokiri eragiten dien arren, enpresak espediente bakar gisa negoziatu nahi du. Horregatik, jarrera komun bat ezarri nahi dute bi batzordeek.
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.
KPIa bost hamarren moteldu da espainiar estatuan urtarrilean, % 2,4raino
Hiru hilabetez jarraian jaitsi da KPIa, 2025eko urrian azken 16 hilabeteetan izandako igoerarik handiena ( % 3,1) jasan ostean.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.