130 pertsona atxilotu dituzte Parisera heldu diren 'txaleko horien' protestetan
130 pertsona atxilotu dituzte Frantziar Estatuan, erregaien zergen aurkako 'txaleko horien' mobilizazioetan. 106.301 manifestarik hartu dute parte, Christophe Castaner Barne ministroak emandako datuen arabera. Atxilotuetako 42 Parisen izan dira.
"Arratsaldera arte 106.301 manifestari hartu dute parte; aurreko astean 281.710 izan ziren. Mobilizazio hau 1.619 plaza publikoetan egin da", azaldu du Castanerrek.
"Mobilizazioak indartu" direla esan du ministroak, baina aldi berean, zifrak aipatuta, protesten "ahultze garrantzitsua" izan dela azpimarratu du. Gainera, zaurituak ere gutxiago —19— izan direla esan du, "Poliziari esker". Zaurituen artean Parisen zeuden lau jendarme eta polizia daude.
"Ultraeskuinaren sareen mobilizazioak" eragindako "ekintza larriak" izan direla ere uste du ministroak. Castanerrek "sediziogile ultraeskuindarrei" leporatu die poliziekin liskarrak sortzea, eta 'txaleko horiei' "biolento" horiengandik urruntzea gomendatu die.
Parisera heldu dira protestak
Frantziar Estatuko hiriburura begira jarri dira fokuak. Parisen, 'txaleko horiek' botere gune nagusitik gertuago egon nahi izan dute. Orain arte, protestak probintzietan izan dira nagusi.
Istiluek su hartutako barrikadak eta suntsitutako autobus geltokiak, kafeetako terrazak eta saltokietako erakusleihoak utzi dituzte.
Parisko kaleetan bildu diren milaka 'txaleko horien' kontra gas negar-eragileak bota eta ur-kanoi bat erabili dituzte segurtasun indarrek. Eliseo jauregira hurbiltzen saiatu direnean, poliziek aurre egin diete.
Eliseo Jauregia, Emmanuel Macron Frantziako presidentearen etxebizitza, babesteko segurtasun-hesia osatu zuten poliziek, eta manifestariak hura gainditzen saiatu direnean, istiluak jazo dira. Macronen dimisioa eskatu dute manifestariek pankartekin eta oihuekin.
Frantziako agintariek manifestazioa debekatu zuten Eliseo Jauregiaren inguruetan, eta Eiffel Dorrearen aurrealdean dauden Marteren Zelaietan egiteko agindu zuten, baina 'txaleko horien' bozeramaileek uko egin diote horri, eta Macronen etxebizitzara hurbiltzen saiatu dira. Ehunka 'txaleko horiek', gainera, hiri-altzariak bota dituzte segurtasun-hesia osatu duten polizien aurka.
Frantziako Barne Ministerioaren lehenengo datuen arabera, 3.000 'txaleko hori' inguru bildu dira larunbat honetan Parisen, gehienak Marteren Zelaietan eta Concorde plazan inguruetan.
Etxeratze-agindua Reunionen
Frantziako gainerako txokoetan duela astebete hasitako blokeoei eutsi diete logistika-zentroetan eta errepideetan, parte-hartzaile gutxiagorekin. Izan ere, joan den larunbatean 300.000 manifestari inguru batu ziren, datu ofizialen arabera.
Reunion uhartean izan da indarkeria gehien, Indiako Ozeanoan. Bertan, Gobernuak etxeratze-agindua ezarri du, eta Macronek Armada zabaldu du.
Macronen erantzuna
Presidenteari erantzun bat eman dezala eskatu dio klase politiko osoak. Macronek, momentuz, erregaien zerga ekologikoa ezartzeko erabakia mantenduko duela baino ez du esan. Hori da 'txaleko horien' protesten jatorria.
Datorren astean, Macronek familia behartsuenetan zerga hori arintzeko neurriak iragarriko ditu, baina presidente denetik ez du inoiz erabaki bat atzera bota, kalean protestak egon arren.
Zure interesekoa izan daiteke
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.