'Txaleko horien' protestek A63 errepidea blokeatu dute goiz osoan zehar
Frantziako Gobernuak erregaien prezioa igo nahi duela eta, hainbat protesta izan dira Frantziako Estatu osoan. 'Txaleko horiak' deituriko manifestariak herrialdeko errepide nagusietara atera dira goizean goiz, errepideak blokeatzeko asmoz.
50.000 pertsona inguruk hartu dute parte protestan, Frantziako Barne Ministerioaren arabera, eta Iparraldeko hainbat autobia geldiarazi dituzte, baita erregai-tangetarako sarbideak ere. Biarritzen eta Hendaian, adibidez, A63a blokeatu dute auto zein traktoreekin errepidera irtenaz. Auto-ilara horiek nabarmenak izan dira Biarritzeko sarreran zein Baionakoan, esate baterako.
Mugan ere arazo larriak izan dira; 11:45ean 7 kilometroko auto ilarak zeuden Biriatutik Baionarako noranzkoan, eta eguerdira arte ez dira amaitu. Segurtasun Sailak jakitera eman duenez, ordainleku guztiak itxi egin dituzte Biriatun, Iparralderako norabidean, eta bakarra egon da irekita Iparraldetik Hegoaldera pasatzeko.
Auto-ilarak goizean goiz Baionan. Argazkia: Euskadi Irratia
Pertsona bat hil da protestetan, harrapatuta
Protesta hauen baitan ezbeharra izan da Frantzia hegoaldean. Izan ere, 50 urteko manifestari bat hil da goizean auto batek harrapatuta.
Antza denez, alaba medikuarenera zeraman emakume bat urduri jarri da protestak zirela eta Pont-de-Beauvoisineko bidea blokeatuta ikusi duenean, eta manifestarien kontra talka egin du autoarekin. 50 urteko gizona zendu da istripu horretan.
Poliziak atxilotu egin du auto-gidaria, shock egoeran zela.
Bestalde, Arrasen, 71 urteko gizonezko bat larri zauritu da, auto batek harrapatuta.
Gutxienez 227 pertsona zauritu dira protestetan
Gainera, gutxienez 227 pertsona zauritu dira, horietatik hiru larri, Frantziako Estatu osoan egiten ari diren protestetan.
Barne Ministerioak jakitera eman duenez, 117 lagun atxilotu dituzte, 2.000 elkarretaratze baino gehiagotan; herrialde osoan modu espontaneoan antolatu dituzte. Guztira, 124.000 pertsonak hartu dute parte, herrialdeko 3.200 puntutan.
Agintariei ez diete protesta gehienen berri eman, eta polizien kontrola zaildu du horrek.
Protestetan, Macronen dimisioa eskatu dute, izan ere, eliteagatik bakarrik kezkatzea leporatu diote.
Gobernuak jakitera eman duenez, trafikoan arazoak sortu dira A84 autobidean; Villedieu-les-Poëles eta Avranches arteko 175 nazionalean; Cherburgen, 13 errepidean eta Caenen, 814 errepidean.
Parisen, berriz, ez da horrelako arazorik izan, Poliziaren presentzia nabarmena dela eta. Negoziaketan aritu dira horiek hainbat 'txaleko hori' talderekin hiribururako sarrera erabat ez oztopatzeko.
Erregaiaren prezioaren igoera
Emmanuel Macronen Gobernuak erregaien zergak igotzea erabaki du "trantsizio energetikoa" bultzatzeko. Energia kutsatzaileen erabilera "oztopatu" nahi du horrela, eta aldaketa klimatikoari aurre egin. Horretarako, diesela 7,6 zentimo igotzea erabaki du eta gasolina 3,9 zentimo. Urtarriletik aurrera, gainera, 6 eta 3 zentimoko tasa gehigarria aplikatuko dute, gainera, hurrenez hurren, bi erregai mota horietan.
Herritarren gehiengoa igoera horien kontra dagoela esan dute 'txaleko horiek' eta herritarren babes osoa dutela. Gaur egun 1,48 eurotan dago, batez beste, erregaiaren prezioa Frantzian.
Zure interesekoa izan daiteke
Irungo nazioarteko geltoki berriak lehen bidaiariak jasoko ditu gaur
Ez da osorik irekiko, hamar nasetatik hiru jarriko dira martxan, abiadura handiko trenaren "hirugarren hariaren" obrak hasi aurretiko aldiriko zerbitzuen % 67 berreskuratuta.
Trafiko astuna A-1 errepidean, Durruma Donemiliaga parean, Arabako nekazari eta abeltzainen protestaren ondorioz
Atzo, Ertzaintzak A-1 errepidera ateratzea eragotzi zien nekazari eta abeltzainei, horretarako baimenik ez zutela argudiatuta. Gaur, Eusko Jaurlaritzaren baimena jaso ostean, traktoreak autobiara irten dira.
Bio institutuetako ikertzaileek Osakidetzakoekin parekatzeko eskatu dute
Euskal Autonomia Erkidegoko osasun-arloko ikerketa-zentroetako (BioBizkaia, BioGipuzkoa eta BioAraba) langileek auzitegietara jo dute Osakidetzako ikertzaileekin parekatzeko eskatzeko. 600 langile inguru dira, eta urtean 10.000 eurotik gorako soldata-aldeak dituztela salatu dute.
Epaia bete eta Petronorreko langileak lehengo aldageletan alda daitezkeela erabaki du zuzendaritzak
2025eko udazkenean 83 eguneko greba egin zuten langileek enpresak aldagela-sistema aldatu zuenean, aldaketak lanaldia 15-30 minutu luzatzea zekarrela salatzeko. Epaitegiek arrazoia eman zieten. CCOOk uste du enpresak txandak egiteko prozedurarekin iruzurra egin nahi diela orain.
Normaltasuna itzuli da AP-8 autobidera, Biriatu parean goiz osoan auto-ilara luzeak izan eta gero
06:00ak aldera utzi diote laborarien traktoreek A-63 autobidea blokeatzeari, eta behin errepidea irekita, azken egunetan muga igaroko zain ziren ehunka kamioi pilatu dira inguru horretan. Kamioiek eskuineko erreia oztopatu dute, eta 11 kilometrorainoko kamioi ilarak sortu dira. 14:00ak aldera itzuli da normaltasuna errepidera.
Eusko Jaurlaritzak bertan behera utzi du Lapurdira igaro nahi duten 7,5 tona baino gehiagoko kamioiei ezarritako debekua
Biriatuko muga zabal dute ibilgailu guztientzat, Ipar Euskal Herriko laborariek A-63 autobidea blokeatzeari utzi ostean.
Mugako mobilizazioek bost milioi tona merkantzia kaltetu dituztela ohartarazi du Guitransek
Gipuzkoako elkarteak eta Fitransek ohartarazi dute Biriatuko blokeoak galera handiak eragin dituela garraioaren sektorean, eta luzatzen bada jarduera industrialari eragin diezaiokeela ohartarazi dute.
Behargin bat larri zauritu da Urdiaingo tailer batean, lan-istripu baten ondorioz
Zortziak pasatxo gertatu da ezberharra Urdianigo lantegi batean; 37 urteko langileari eskua harrapatuta gelditu zaio eta bi hatz galdu ditu. Gainera, beste langile bat zauritu da beste lan-istripu batean, Elizondon.
Nafarroako autoeskolek aztertzaile falta salatu dute berriro
Salatu dute aztertzaile faltak eta DGT Probintzialaren bulegoetan dagoen langile faltak "atzerapen handiak" eragiten dituela, "bai azterketa teorikoetan, bai praktikoetan", eta gogorarazi dute azterketa egitea "eskubidea" izan beharko litzatekeela, "ez pribilegioa". Astelehenero manifestatzen jarraituko dute egoera konpondu arte.
Bi urteko geldialdiaren ostean, gaur itzuli dira lanera Balenciaga ontziolako beharginak
Abu Dhabi Ports Arabiako taldearen agindupean arituko da aurrerantzean Zumaiako ontziola. Abenduan itxi zuten langileek eta Arabiako taldeak salmenta. Adostutakoaren arabera, soldatak % 5 jaitsiko dizkiete, eta hiru urtez izango dituzte izoztuta.