AHTak 13 hiritan sortutako 7.600 milioiko gainkostua azalduko du Kontuen Auzitegiak
Maria Jose de la Fuente Kontuen Auzitegiko presidenteak agerraldia du gaur Kongresuko Batzorde Mistoan Abiadura Handiko Trenaren (AHT) proiektuek Estatuko 13 hiritan sortu duten gainkostuari buruz azalpenak emateko.
2016ko abenduaren 31ko data duen txostena aurkeztuko du De la Fuentek. Agirian tren lasterra 13 hiritan sartzeko trenbidean egin beharreko moldaketak eta lur azpian sartzeko proiektuak aztertu dituzte. Proiektu gehienak duela 20 urte abiatu ziren, eta oraindik bat bera ere ez dago amaituta.
Guztira, 11.740 milioi euro beharko dira proiektuak bururatzeko, hasiera batean aurreikusitako dirutza (4.101 milioi) halako hiru (betiere 2016ko datuak kontuan hartuta).
Honakoak dira aztertutako hirien proiektuak: Alacant, Almeria, Bartzelona, Cartagena, Gijon, Leon, Logroño, Murtzia, Palentzia, Valentzia, Valladolid, Gasteiz eta Zaragoza.
Kostua handitzeaz gain, lanak ordaintzeko behar ziren diru-sarrerek behera egin dute. Hala, finantzazioan 2.049 milioi euroko 'zuloa' dago, horren erdia Valentziako proiektuak eraginda.
Hain justu, Valentziako proiektua da gehien garestitu dena (2.161 milioi). Ondoren datoz Bartzelonakoa (1.832 milioi), Valladolidekoa (861 milioi), Alacantekoa (744 milioi), Zaragozakoa (722 milioi) eta Murtziakoa (404 milioi). Gainkostu txikiena duten proiektuak honakoak dira: Gijon (271 milioi), Logroño (233 milioi), Gasteiz (139 milioi), Palentzia (103 milioi), Cartagena (93 milioi) eta Almeria (74 milioi).
Likidazioak, moldaketak eta atzerapenak
13 hiriotako proiektuak burutzeko sozietateak sortu zituzten Sustapen Ministerioak, Adifek, Renfek, zegozkien erkidegoek eta udalek.
Krisiak sortutako finantziazio arazoak tarteko, proiektu bat likidatu da (Leon), beste batean aldaketak egin dira (Zaragoza) eta hitzarmen berriak egin dira hiru kasutan (Valladolid, Gijon eta Alacant).
Beste lautan, tartean Gasteizen, atzerapenak sortu dira eta hirutan aukera bideragarriagoak aztertzen ari dira (Logroño, Murtzia eta Valentzia).
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.