Avanza taldeak Pesa garraio enpresa erosi du
Avanza talde mexikarrak Pesa garraio enpresa erosi du ostegun honetan, EiTBk jakin duenez. Diru kopuruen inguruko xehetasunik ez da zabaldu.
Erabakia goizean bertan jakinarazi diete Pesako langileei, baina Espainiako Merkatu eta Lehia Batzordearen oniritzia falta da oraindik. Langileek lan-baldintzak mantentzea eta orain arte enpresak izan duen izaerari eustea eskatu dute.
Avanza taldeak prentsa ohar bat zabaldu du akordioaren berri emateko. Idatzi horretan, bi enpresek garraio sektorean duten “esperientzia eta bermea” nabarmendu ditu ADO taldearen parte den talde mexikarrak. Ildo horretatik, erabiltzaileei kalitate handiko zerbitzuak eskaintzeko elkarrekin lan egingo dutela jakinarazi du.
Dena dela, Pesak orain arteko “egiturarekin eta ibilbidearekin” jarraituko duela aurreratu du Avanzak. Gauzak horrela, hiru lurralde historikoetako “herri garrantzitsuenetan” eskainiko dute garraio zerbitzua.
Era berean, Euskadin finkatzeko asmoa azpimarratu du talde mexikarrak, bere “lidergoa sendotu eta mugikortasun alorrean erreferente bihurtzeko”. Hala, herritarren egungo “mugikortasun beharrei erantzuteko” prest agertu da Avanza.
Transportes Pesa euskal enpresa 1955ean sortu zuten bi garraiolari bazkidek, bien lineak elkartu eta herritarrei zerbitzu hobea eskaintzeko asmoz. Gaur egun, 2 milioi bidaiari eramaten ditu urtean, bereziki Gipuzkoan.
Bestalde, 2002an sektoreko hiru enpresek bat eginda sortu zen Avanza taldea. Espainiako Estatuan sektoreko bigarren enpresa garrantzitsuena da, eta Mexikoko ADO taldearen parte da 2013tik.
Zure interesekoa izan daiteke
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.