CAF Taldeak Suediako EuroMaint enpresa erosi du
Beasaingo CAF Taldeak trenen mantentze lanaz arduratzen den Suediako EuroMaint enpresa erosi du. Enpresa horren balioa 80 milioi euro ingurukoa da, baina amaierako balioa salmenta ixten denean zehaztuko da, dagozkion doikuntzak egin ostean. Itxiera 2019ko uztailerako dago aurreikusita.
CAFek ohar batean azaldu duenez, erosketa horrekin “zerbitzu berriak eskaini eta taldea sendotzea” aurreikusi du. EuroMaint enpresari esker, CAF Taldeak “gero eta handiagoa den jarduera indartu du, eta presentzia sendoa finkatu du Eskandinaviako herrialdeetako merkatuan”, esan du Beasaingo konpainiak.
Erosketa enpresaren 2020rako Plan Estrategikoan lerrokatuta dago. Iaz Solaris erosi ostean, "zerbitzu berriak eskaini eta jarduera dibertsifikatzearen aldeko apustua" egin du CAFek. “Horren bidez, garraio eta mugigarritasun arloko zerbitzuen hornitzailea izanik, erreferentziazko talde gisa betetzen duen tokia sendotu nahi du”, esan du Beasaingo enpresak.
“Negozio horren batez besteko gauzatze-denbora handiagoa da eta, horrenbestez, horrek epe ertainera eta luzera begira salmenten egonkortasun handiagoa eskaintzen du”, esan du CAFek. Halaber, erosketa horrek osagaien hornikuntzarekin eta mantentze-lanekin lotutako jardueran CAFeko Europa mailan duen posizioa sendotuko duela ziurtatu du.
Gainera, EuroMainten bezero kopuru handiari esker, Eskandinavian “beste era bateko proiektuak garatu ahal izateko aukera berriak" sortuko dira. Bestalde, “erosketen arloan zein tren arloko ekipoen eta osagaien fabrikazioarekin eta hornikuntzarekin lotuta, CAF Taldeak egiten duen jardueran sinergiak lortzeko aukera ere ekarriko du”, erantsi du CAFek.
Gaur egun, Suediako bidaiarientzako trenetan, tren-makinetan eta tren-ibilgailu industrialetan mantentze-lanak egiteko negozioan “erreferentziazko enpresetako bat da” EuroMaint, eta bere herrialdean “merkatuko kuotarik handiena dauka” konpainia horrek.
Bere jarduera nagusiak dira flota handien mantentze-lanak zein sektore horretako Suediako operadore nagusiei tren arloko osagaien gama zabala hornitzea. EuroMaintek herrialde osoan banatuta dauden 18 tailerretan egiten du lan eta alderdi hori bera da merkatuan hazteko aukera eta lidergo argia ematen dizkiona.
Suediako enpresak 1.000 langile inguru ditu gaur egun eta aurreko ekitaldian 150 milioi euroko sarrerak izan zituen gutxi gorabehera. Gainera, “CAF Taldeari eskarien zorro handia ekarriko dio, eta, zonalde hartako egoera sendoa dela eta, zorroa handitzeko aurreikuspenak daude”.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".