Urologia azterketako irregulartasunen xehetasun berriak eman dizkiote epaileari
Urologiako azterketan irregulartasunak izan zirela jakinarazi dio pertsona batek Osakidetzaren azken lan eskaintza publikoan ustez egindako filtrazioak ikertzen ari den epaileari.
Prozeduraren hurbileko iturriek jakitera eman dutenez, Urologia epaimahaiko kide baten eta oposiziogileen (ondoren notarik altuenak lortu zituzten proban) arteko bilera baten berri eman dio oraindik deklaratu ez duen pertsona batek epaileari.
Bilera horren berri bazuela azaldu du LAB sindikatuak, baina Justiziara jo baino lehen datu zehatzak biltzen saiatu da. Antza denez, pertsona "zintzo" batek epaileari jakinarazi dizkio dagoeneko, sindikatu abertzaleak erantsi duenez.
Lekukoak galdekatzen jarraitu du asteazken honetan Instrukzio-epaitegiko epaileak. Besteak bete, Kardiologia epaimahaiko bi kide galdekatu ditu.
Fiskaltzaren aurrean egindako adierazpenak berretsi dituzte biek, zenbait iturriren arabera. Ustezko irregulartasunen berri Osakidetzako zuzendaritzari eman ziotela esan zuten. Probetan "filtrazioak ohiko" praktikak zirela azaldu dute biek.
Osakidetzaren zuzendaritzari bere dimisioa planteatu ziola adierazi du batek, eta barne ikerketarekin ez egiteko konbentzitu zuten. Filtrazioaren egileak identifikatzeko eskatu zaienean, ordea, ez dute inor salatu. "Ez dago akusazio zehatzik pertsona konkretu baten aurka", esan dute.
Angel Maria de Loma kardiologoa Gasteizko epaitegietatik ateratzen. Argazkia: EFE/ David Aguilar
ESK sindikatuaren ahotan, ustezko irregulartasunak izan diren beste kategoria batzuk auzian egon beharko lirateke. Urologia probetako ustezko filtrazioen "anonimoak" aztertzen ari direla baieztatu du sindikatuak. Instrukzioari laguntzeko epailearen esku jarriko dituztela iragarri du ESKk.
Era berean, Roberto Sanchez eta Manuel Martinez Fiskaltzaren aurrean ustezko iruzurra salatu zuten anestesistek deklarazioa berretsi dute. Epaitegitik atera direnean, azterketak "itxurakeria hutsa" direla errepikatu dute biek. Anestesisten ahotan, espezialitate medikoen lan eskaintza publikoko lanpostuak "aldez aurretik banatzen dituzte". "Hori jakina zen, eta bizitza guztiko kontua da", ziurtatu du Martinezek.
Maria Jesus Mugica Osakidetzako zuzendari nagusi ohia deklaratzen azkena izan da asteazken honetan. Mugicak dimisioa eman zuen. Ez da Justizia Jauregira ate nagusitik sartu.
Mugicak ez du komunikabideen aurrean adierazpenik egin nahi izan. Barne espedienteek filtrazioen frogarik ez zegoela ebatzi zutela defendatu du zuzendari nagusi ohiak. Zenbait galderari "muzin" egin diela azaldu dute iturriek.
Jose Luis Cabriada, Maria Reyes Vega eta Cesar Augusto Valero hiru zerbitzuburu inputatuek ostegun honetan deklaratzea espero da. Sekretuen jabe egin eta zabaltzea leporatzen diete, Anestesiologia, Angiologia eta Digestiboko probak ustez filtratzeagatik.
Zure interesekoa izan daiteke
Dieselaren litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.
Donostia Ospitalearen parean manifestazioa egin dute medikuek, estatutu eta gutxieneko soldata propioa eskatzeko
Euskadiko Medikuen Sindikatuak deituta, medikuek bat egin dute M17ko greba orokorreko aldarrikapenekin. Medikuek bigarren greba astea hasi zuten atzo, estatutu propioa eskatzeko.