Metalgintza sektoreko langileek greba luzatzeko mehatxua egin dute Bilboko protestan
ELA, CCOO, LAB eta UGT sindikatuek adierazi dute Bizkaiko Metalgintzako Enpresen Federazioaren (FVEM) esku dagoela metalgintza sektoreko lan gatazkari irtenbidea ematea. Neurririk hartu ezean, greba egun gehiago deitzeko mehatxua egin dute aipatu sindikatuek.
Bien bitartean, milaka lagunek parte hartu dute ostiral honetan "hitzarmen duin baten alde" Bilbo erdialdean egin duten manifestazioan. Protesta zaratatsua izan da, bolanderak jaurti baitituzte manifestariek.
Gainera, Elkano eta Moyua inguruan hainbat edukiontzi erre dituzte, Segurtasun Saileko iturriek jakinarazi dutenez.
Argazkia: Twitter @cafecongotas7
Sindikatuen esanetan, % 85ekoa izan da hirugarren greba egunaren jarraipena, alegia, atzokoaren parekoa.
Patronalak ere ostegunean emandako antzeko datuak zabaldu ditu gaurkoan. Haren arabera, baina, langileen % 20k egin du greba. Gainera, piketeen jarrera kritikatu dute, "erasokor" jokatu dutela iritzita.
Argazkia: Twitter @cafecongotas7
Metalgintzako Enpresen Federazioak ziurtatu du beharrean zeuden hainbat pertsona lantokitik irtetera behartu dituztela piketeek. Halaber, fabriketan eta makinetan "kalte larriak" eragin dituztela argitu dute.
Atzo, bestalde, SIPE sindikatuak salatu zuen ertzain bat zauritu zela Zornotzan, pikete batekin izandako liskarrean.
Nolanahi dela, sindikatuetako ordezkariek piketeen "jarrera eredugarria" nabarmendu dute.
"Ertzaintza piketeak identifikatzen aritu da, baina ez da inolako indarkeriarik egon", esan du ELA sindikatuko Mikel Etxebarriak.
Bilera, ekainaren 17an
Sindikatuak eta patronalak metalaren hitzarmenari buruz jardungo dute berriro ekainaren 17an. Hitzordu horri begira, sindikatuek argi dute patronalaren esku dagoela gatazkari konponbidea ematea: "Haiek ikusiko dute nola jokatzen duten, baina erantzuna gustuko ez badugu, greba deialdiari eutsiko diogu", azpimarratu du Etxebarriak.
Zure interesekoa izan daiteke
Sidenor buru duen partzuergoak Talgoren % 29,76ren erosketa itxi du 156 milioiren truke
Eragiketa horren ondorioz, Balore Merkatuaren Batzorde Nazionalak tren-enpresaren kotizazioa aldi baterako eten du.
Bizkaiko hegoaldeko trenbide-saihesbidearen obrak urtea amaitu baino lehen hasiko dira
Eusko Jaurlaritzako Mugikortasun Jasangarriko sailburu Susana Garcia Chuecak azaldu duenez, obrak amaitzean merkantzia-trenek ez dute Santurtzi, Portugalete, Sestao eta Barakaldoko "bihotza" zeharkatu beharko. Bertatik, "aldiriko trenek bakarrik zirkulatuko dute, iberiar zabalera baitute trenbide horiek".
Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
“Ipar Euskal Herrian, Asturiasen, Kantabrian… Europa osoan ari dira angula arrantzatzen, EAEn izan ezik”
Angula denboraldia hastear den honetan, Gipuzkoako eta Bizkaiko arrantzaleek ezin izango dute angula arrantzatu, Jaurlaritzaren debekua dela eta. Unai Eizagirre Anguleroen Elkartearen lehendakariak onartu du angularen egoera ez dela ona, baina kritikatu du debekua Euskal Autonomia Erkidegoan soilik ezarri dela, eta, bien bitartean, Asturiasen, Galizian... angula arrantzatzen ari direla. Eurak soluzioaren parte direla nabarmendu dute, eta, Frantziako eredua jarri dute mahai gainean.
Gobernantza Sailak 167,5 milioi bideratuko ditu 2026an Administrazioa arinagoa izan dadin
Gainera, Ubarretxena sailburuak iragarri duenez, Eusko Jaurlaritzak 2023, 2024 eta 2025eko Lan Eskaintza Publikoak batuko ditu, eta guztira 1.700 plaza aterako ditu Administrazio Orokorrean, baina ez da deialdi bakarra egingo, eskalen arabera deituko dira.
Eusko Jaurlaritzak 8 ikuskatzaile gehiago kontratatuko ditu etxebizitza turistikoen gaineko kontrola areagotzeko
Javier Hurtado Turismo, Merkataritza eta Kontsumoko sailburuak bere sailari dagokion datorren urteko aurrekontu-proiektua aurkeztu du Eusko Legebiltzarrean. Guztira, 56,5 milioi euroko aurrekontua izango du, aurten baino % 2 gutxiago.
Mikel Jauregi: "Hidrogeno berdeak menpekotasuna galtzea ekarriko digu"
Industria, Trantsizio Energetiko eta Jasangarritasuneko sailburuak "Egun On" saioan adierazi duenez, "garai batean Errusiarekiko genuen menpekotasuna amaitu da, baina, orain, Ipar Amerikarekiko menpekotasuna sortzen ari gara". "Egin dezagun europar energia bat", gaineratu du sailburuak
Bruselak Lisboa eta Paris arteko AHTrako epeak azkartu ditu, eta Eusko Jaurlaritza proiektuaren bultzadarekin bat dator
Imanol Pradales lehendakaria Apostolos Tzitzikostas Europako Garraio komisarioarekin bildu zen urtarrilean, eta orain Abiadura Handiko Trena Iparraldera eta Frantziara bultzatzeko hartutako konpromisoak aurrera doazela egiaztatu du.
Mugikortasun Sailak 581,7 milioi izango ditu "trenbidea garraiobide gisa bultzatzeko"
Trenbide-azpiegiturak eraiki eta hobetzeko erabiliko da inbertsioaren zati handi bat. Era berean, Bat, Barik eta Mugi txartelen interoperabilitatea burutu nahi da, eta 12 urtera arteko garraioaren doakotasuna egiturazkotzat ezarri.
Juan Ignacio Perez Iglesias: "Kezkatuta eta triste nago"
Eusko Jaurlaritzako Zientzia, Unibertsitate eta Berrikuntza sailburu Juan Ignacio Perez Iglesiasek adierazi duenez, "behar beste" hitz egiteko prest dago, baina EHUn gauza handiak egiteko aukera paregabea galtzen ari dela uste du.