Kontsumobidek 9 bankuri zehapen-espedientea zabaldu die abusuzko klausulengatik
Kontsumobidek bederatzi bankuri zehapen-espedienteak zabaldu dizkie, hipoteka kontratuen baldintzen artean zordun komisioak izeneko "abusuzko klausulak" dituztelako. Guztira, 580.000 euroko zehapenak proposatu ditu.
Txarli Prieto legebiltzarkide sozialistak Sonia Perez Turismo, Merkataritza eta Kontsumo sailburuari galdera egin dio kontrol saioan, ostiral honetan. Eusko Jaurlaritzak egiten dituen kontrolen inguruan galdetu dio PSE-EEko ordezkariak.
Mailegu gehienetan, bankuek "ordaindu gabeko kuotengatiko komisioa", "ordaindu gabeko muga-egunen komisioa" edo "zordunen komisioak" izeneko klausula bat barneratzen dute.
Bankuek bezeroei kobratzen dizkieten zordun komisioak baliogabe uzteko irizpidea dute auzitegiek egun.
Kontsumobidek 2018tik 2019era sinatutako hipoteka-maileguetan zordunen komisioak antzemateko kanpaina berezia aurrera eraman duela zehaztu du Perezek.
Horretarako, Euskadiko hamar banku nagusiei informazioa bidaltzeko eskatu zien; Araban eta Gipuzkoan hiru bankuren kontratuak aztertu zituzten lurralde bakoitzean, eta Bizkaian lau.
Horietatik, zortzik erantzun zuten eta zazpik klausularekin jarraitzen dutela egiaztatu zuten. Gainera, bi bankuk ez dute erantzun, eta ez laguntzeagatik zigortzeko proposamena egin du Kontsumobidek.
Sailburuak ziurtatu duenez, 2019ko aurreneko 5 hilabeteetan Kontsumobidek 158 eskaera, 568 erreklamazio, 1.111 kontsulta eta 2 arbitraje eskari jaso ditu abusuzko klausulekin lotuta. Ondorioz, 5 espediente abiatu behar izan dituzte.
Era berean, aurreko kontrol kanpaina gogorarazi du Perezek. 11 bankuri egin zioten, eta 10 zigorrekin amaitu zen, guztira, 320.000 euro.
Zure interesekoa izan daiteke
Israeli altzairua saltzearen harira Sidenorren egindako erregistroa baliogabetzea eskatu du Fiskaltzak
Fiskaltzak Auzitegi Nazionaleko magistratuaren ikerketaren norabidea kritikatu du, gizateriaren aurkako delituak Ministerio Fiskalaren edo "tratu bidegabea" jaso duen norbaiten jarduera dagoenean baino ezin dira jarraitu, eta uste du elkarte salatzaileak ez duela baldintza hori betetzen (herri-akusazioa da, eta ez partikularra). Hortik ondorioztatzen da, fiskalaren ustez, "egindako guztia erabat deuseza dela, genozidio, gizateriaren aurkako eta gatazka armatuaren kasuan babestutako pertsonen eta ondasunen aurkako delitu horri dagokionez", eta ikerketa kontrabando-delitura mugatu beharko litzatekeela.
Espainiako Gobernuak Tubos Reunidosen egoera onbideratzeko irtenbideak bilatzeko prest dagoela adierazi du
Kongresuan egindako adierazpenetan, Carlos Cuerpo Ekonomia ministroak adierazi du Gobernuak "eskua luzatuta" duela sektore estrategikoetako enpresen bideragarritasuna bultzatzeko neurriak bilatzeko. EH Bilduk egindako galdera bati erantzunez, ministroak esan du aurretik ere laguntzak jaso izan dituela enpresak: "112 milioi euro kaudimenari laguntzeko funtsaren bidez, 20 milioi euro baino gehiago zortzi finantza-erakundek emanak, ICO abalen lerroari esker, eta ia 10 milioiko laguntzak, industria elektrointentsiboa izateagatik".
Israeli altzairua saltzeagatik Jainagari zabaldutako ikerketatik banandutako pieza baten sekretua kendu dute
Espainiako Polizia Nazionala Sidenorrek Basaurin duen egoitzara sartu eta hurrengo egunean eman da ebazpen judiziala.
Argindar-konpainien bezeroak babesteko neurri-sorta onartu du Espainiako Gobernuak, tartean dei komertzialak debekatzea
Trantsizio Ekologikorako eta Erronka Demografikorako Ministerioak bultzatutako dekretu berriaren arabera, elektrodependente eta zaurgarriei ezingo zaie argindarra eten ordaintzen ez badute ere, eta kontratuak eteteagatik ez da, oro har, zigorrik ezarriko. Halaber, aurreikusten da enpresei zigorrak ezartzea, arauak hautsiz gero.
Ramiro Gonzalez: "Lehen urratsa, zalantzarik gabe, zorra berregituratzea da, eta hor funtsezko zeregina du SEPIk"
Ramiro Gonzalez Arabako ahaldun nagusiak adierazi duenez, Tubos Reunidosen jarraipenak hartzekodunen inplikazio aktiboa eskatzen du, batez ere Estatuko Industria Partaidetzarako Sozietatearena (SEPI). "Enpresak ia bost milioi euro erretzen ditu hilean", nabarmendu du.
Tubos Reunidosen bideragarritasuna bermatzeko "zorra berregituratzea beharrezkoa da", Bengoetxearen aburuz
Euskadi Irratiko "Faktoria" irratsaioan egindako elkarrizketan, Ibone Bengoetxea Eusko Jaurlaritzako lehendakariordeak eta Kultura eta Hizkuntza Politika sailburuak adierazi duenez, zorra berregituratzen Jaurlaritza "bidelagun" izango da.
Vital Fundazioak 10 milioirekin bat egin du Ayesa Digital erosteko euskal partzuergoarekin
Operazioak garai bateko Ibermaticaren erabakigunea Euskadira itzultzea indartzen du, eta Araban enplegu kualifikatua sortzea aurreikusten du.
Pradalesek aliantza politiko berri baten alde egin du, "berrindustrializazioan" Europak "benetako autonomia" izan dezan
'Bilboko Adierazpena' sinatuta amaitu da Leaders Meeting–Fit For The Future goi-bileraren bigarren edizioa, Bilbon. Europak "oparotasun jasangarria, industria-lehiakortasuna eta autonomia estrategikoa sortzeko" duen ahalmena indartzea eskatzen du agiriak.
Volkswagenen lege urraketen aurrean "isilik" egotea egotzi dio ELAk Nafarroako Gobernuari
Sindikatuaren arabera, Lan Ikuskaritzak "iruzurrez" egindako aldi baterako 146 kontratu atzeman zituen Nafarroako Volkswagenen eta 93 kontratu mugagabe egitera behartu zuen enpresa. ELAk salatu du enpresak oraindik ez duela agindua bete.
Amurrioko Tubos Reunidoseko batzordeak greba mugagabea baztertu eta mobilizazioen egutegi bat adostu du
Langileek bilera egin dute astearte honetan, erabakitzeko enpresak iragarritako 301 kaleratzeei nola egin aurre.