Zer egin Bilboko Aireportuko grebak nire hegaldiari eragiten badio
Loiuko aireportuko langileek hainbat greba egun deitu dituzte uda honetarako. Eta aire-konpainiak grebaren erantzule zuzenak izan ez arren, hegaldiak bertan behera uztearen ondorioz kaltetutako bidaiariei lagundu behar dietela gogorarazi du FACUA Euskadik.
Erreklamatu enpresako Oscar Sanchez abokatuaren esanetan, konpainiak txartelaren truke ordaindutako dirua itzuli edo ordezko garraio bat eman behar die bidaiariei. “Garraioa zure kabuz hartuz gero, bidaiaren zenbatekoa ordaindu beharko dizute”, gaineratu du.
Bidaiariak kalte-ordainak eskatu ahal ditu hotelak, lekualdatzeak edo alokairuko ibilgailuak kontratatu eta grebaren ondorioz galdu baditu, baita bestelako kalte batzuk ordaintzeko ere.
Gainera, hegaldien zain dauden bitartean behar dituzten jatekoak eta edatekoak ere ordaindu behar dizkiete aire-konpainiek kaltedunei.
Hala ere, kontsumitzaileen elkarteek erreklamazioak Aenaren bulegoetan ere aurkeztea gomendatzen dute, aire-konpainiak ez baitira erabiltzaileei eragindako kalteen erantzule zuzenak.
Sustapen Ministerioak gutxieneko zerbitzuak zehaztu ditu: Espainiako hirietara joateko hegaldietan, zerbitzu minimoak % 32koak dira, horietara beste medio batzuen bidez iristeko bost ordu baino gutxiago behar badira, eta % 57koak, bost ordu baino gehiago behar badira. Kanarietara eta Balearretara joateko hegaldi guztiak bermatu ditu.
Ekitea eta konpainiarekin harremanetan egotea gomendatu dute Erreklamatu abokatu-bulegotik, beste 17 greba-egun deitu baitituzte.
_______________________________________________________________
Erabiltzaileen eskubideak hautsi direla uste bada erreklamazio bat aurkeztu daiteke honako pausuak jarraituz:
1. Erreklamazio bat jartzea dagokion aire-konpainiari. Konpainiek informazio erakusmahaietan edo txartelen salmenta puntuetan izan behar duten erreklamazio orrien bidez egin daiteke. Erreklamazioa erabiltzaileen arreta sailari zuzendu behar zaio. Horrez gain, txartela eta erabilitako gainerako dokumentuak ere gorde beharko dira.
2. Hilabeteko epean ez bada konpainiaren erantzunik jasotzen, edo erantzunarekin ados ez egotekotan, erreklamazio bat aurkeztu daiteke AESAren bulegoetan.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.