AHTaren Gasteizko zatia egiteko kostua aurreikusitakoa baino % 20 gehiago izango da
Espainiako jarduneko Gobernuaren Sustapen Ministerioak gaur kaleratu du Abiadura Handiko Trenak (AHT) Gasteizen izango duen tartearen txosten informatiboa, Ministerioak berak ohar batean jakinarazi duenez.
Hilabeteko atzerapenarekin egin dute argitalpena Espainiako Aldizkari Ofizialean, Eusko Jaurlaritzak hainbatetan eskatu ostean. Aurkeztutako proiektuaren arabera, 3,6 kilometroko tartean, Pedro Asua kaletik Salburuko bulebarreraino, lur azpitik joango da trena. Horrez gain, bi lotune aukera proposatu dituzte. Guztira, 872,2 milioi euroko aurrekontua du proiektuak, hasieran aurreikusitakoa baino ia 150 miloi gehiago (% 20).
Izan ere, urtarrilean Ministerioak, Jaurlaritzak, Arabako Aldundiak eta Gasteizko Udalak sinatutako hitzarmenean jaso zutenez, 724 milioiko aurrekontua zuen proiektuak, eta kopuru hori azpimarratu zuen Jose Luis Abalos ministroak berak.
Ministerioak nahiago du Arkautiko bidea
Gaur argitaratutako txostenaren arabera, Krispiñatik (Jundizko logistika zentroaren ondoan) Arratzua-Ubarrundia - Legutio arteko tartean 14,3 kilometroko trenbidea paratu beharko dute, tren lasterra Arkautitik atera dadin. Beste aukera bat ere aurreikusi du Ministerioak: Salburuko hezeguneen "gainetik" joatea, baina azken hori zuzenagoa den arren, Arkautiko bidea lehenetsi du Espainiako Gobernuak. "Hori da irtenbiderik egokiena", ondorioztatu du.
Arkautitik Altsasu eta Iruñeko korridorearekin lotura egingo dute, Ministerioak eta Euskal Trenbide Sareak ohar banatan zehaztu dutenez.
Oraingoz ez dute erabaki korridore horrekin egin beharreko lotunea Gasteiztik (hala nahiago dute Arabako erakundeek) edo Ezkio-Itsasotik (Jaurlaritzaren hautua) egingo duten.
3,6 kilometro lur azpitik
AHTak 3,6 kilometro lurpean egingo ditu Gasteizen, eta 90.000 metro koadro utziko ditu libre hiri erabilerarako. Geltoki berria Dato kalean eraikiko dute, egungo eraikina moldatuta: 3.140 metro koadroko azalera gehituko zaio eta lur azpiko bi solairu izango ditu.
Behin txostena argitaratuta, alegazioak aurkezteko epea zabaldu dute. 45 egun baliodun dira (epea ohi baino luzeagoa da, udako oporrak tartean direlako).
Urtaran, kezkatuta
Gainkostua ezagutu berritan, Gorka Urtaran Gasteizko alkatea "kezkatuta" agertu. "Bazen garaia azterlana onetsi eta argitaratu zedin; hala ere, kezkatuta gaude, aurrekontua Abalos ministroak Gasteizen agindutakoa baino handiagoa baita", azaldu du alkateak.
Urtaranek nabarmendu duenez, "zerikusia duten gainerako erakundeekin batera" aztertuko du txostena. "Ministerioak ematen dituen azalpenak entzungo ditugu. Ikusiko dugu zein epe aurreikusten ari diren benetan, Gasteizen abiadura handia sartzea lehentasunezkoa baita hiriarentzat, funtsezko proiektua, eta udal agintaldi honetan ekin behar zaio. Ministerioaren erabateko inplikazioa eskatzen du; beraz, eraikuntza-proiektuak lehenbailehen idazten has dadin eskatu diogu".
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.