KPIak ez du aldaketarik izan ekainean Hego Euskal Herrian
Maiatzeko datuekin alderatuta, kontsumoko prezioen indizeak (KPI) ez du aldaketarik izan ekainean, Euskal Autonomia Erkidegoan. Modu horretan, urteko batezbesteko tasa % 0,8koa da oraindik ere.
Iragan hilabetean, Estatuko autonomia erkidego guztietan egin zuen behera KPI tasak, eta EAEn izan zuen jaitsiera nabarmenena (bi hamarren, aurreko hilabetearen aldean).
Prezioen gorakada handiena, bestalde, Aisialdi eta Kultura sektorean izan da (% 2,1). Horrez gain, Besteak (% 0,3), Elikagaiak eta Edari ez alkoholikoak (% 0,6), Edari Alkoholikoak eta Tabakoa (% 0,4) eta Sendagaiak (% 0,1) sektoreetan ere gora egin dute prezioek.
Nafarroako datuak
Ekaineko datuei erreparatuz gero, EAE eta Nafarroa dira Estatuko urteko tasa altuenak dituzten erkidegoak: % 0,8 eta % 1.
Prezioen indizeari dagokionez, Nafarroan ere ez da aldaketarik egon, maiatzeko datuekin alderatuta.
Zehazki, Aisialdian eta Kulturan igo dira, batik bat, prezioak (% 2,3). Elikagaiak eta Edari ez alkoholikoak (% 0,9), Hotelak, Kafetegiak eta Jatetxeak (% 0,5) eta Etxeko tresneria (% 0,3) sektoreetan ere gorakada izan da.
Asteazken honetan Estatistika Institutu Nazionalak argitaratutako datuen arabera, Estatuan prezioek % 0,1 egin dute gora, maiatzetik ekainera. Urteko tasa, berriz, % 0,4an kokatu da.
Albiste gehiago ekonomia
Asteburuko greba bertan behera utzi dute Gipuzkoako Avanzako langileek
Langileek greba egiteko eskubiderako "gutxieneko baldintzak" betetzen ez direla deitoratu du enpresa-batzordeak.
BBK Live jaialdiak 23,6 milioi euro baino gehiago utzi ditu Bilbon
115.000 parte-hartzaileen artean, % 17 atzerritarrak dira, batez ere Erresuma Batutik, Frantziatik, Italiatik eta Portugaldik etorritakoak. Gainera, hotelen okupazioa % 90etik gorakoa izan da musika jaialdiak iraun duen bitartean.
ELAk eta LABek ziurtatu dute Torresek proposatutako gutxieneko soldataren igoerak 10.000 langileri bakarrik eragingo liekeela
Uste dute proposamenak ez dituela kontuan hartzen enpresek azken urteetan lortutako irabaziak, ezta beren plantillek sortzen duten produktibitatea ere, eta, horrenbestez, helburua ez dela "gizarte-kohesioa, ezta aberastasunaren banaketa justua ere".
BSHko langileek datorren astean bozkatuko dute lan- erregulazioko espedienteari buruzko aurreakordioa
Enpresa batzordearen gehiengoak (LABek eta ELAk, ez) aurreakordioa lortu du aste honetan zuzendaritzarekin, eta, horren arabera, lantegia itxi eta 609 pertsona kaleratuko dituzte. Langileen ordezkariek deituta, batzarrak egingo dituzte ostiral honetan, eta bozketa, ziurrenik, astelehenean egingo dute.
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.