Antxoaren stocka inoizko bigarren unerik onenean dago Bizkaiko golkoan
Antxoaren behin-behineko biomasa inoizko bigarren unerik onenean dago aurten, 190.000 tona inguruan, Bioman kanpaina zientifikoak emandako datuen arabera. AZTI zentro teknologikoa 1987an hasi zen antxoaren stocka neurtzen, eta ordutik jasotako bigarren datu onena da honakoa. Izan ere, espeziearen jasangarritasuna bermatzeko gutxieneko kopurua 21.000 tonakoa da, eta hori aise gainditzen du egungo biomasak. Iaz inoizko daturik onenak jaso zituzten AZTIko ikertzaileek.
Bioman kanpainak antxoa helduaren populazioa ebaluatzen du, kudeaketa jasangarri bat helburu. Antxoa da euskal arrantzaleen zein Kantauriko kostaldearen ekonomiaren zutabeetako bat.
Udaberrian egin dute ikerketa, eguneko arrautza ekoizpenaren metodoaren bidez (MPHD), antxoaren ugalketa eremu osoan (Bizkaiko golkoan) azterketa eta laginketa batzuk eginez.
AZTIko ikertzaileak plankton laginak jasotzeaz arduratu dira, plankton horretatik antxoek errundako arrautzak ateratzeko. Lan hori osatzeko, antxoa helduaren aleak jaso dira, ondoren haien batez besteko ugalkortasuna kalkulatzeko, hau da, antxoa eme bakoitzak batez beste erruten dituen arrautzak.
"Plankton laginak jaso eta horietatik antxoek errundako arrautzak atera ditugu. Lan hori osatzeko, antxoa helduaren aleak jaso ditugu, ondoren haien batez besteko ugalkortasuna kalkulatzeko, hau da, antxoa eme bakoitzak batez beste erruten dituen arrautzak", azaldu du Maria Santos AZTIko Bioman kanpainako arduradunak.
Planktonean aurkitutako arrautza kopuruaren eta antxoa emeek batez beste erruten duten arrautza kopuruaren artean dagoen erlazioarekin kalkula dezakete AZTIko ikertzaileek antxoaren biomasa.
Ikerketa hori osatzeko Juvena kanpaina egingo dute udazkenean. Horrekin antxoa gazteen kopurua eta banaketa espaziala zehaztu, espeziearen egoera aztertu eta biziraupenean eragin dezaketen faktoreak analizatuko dituzte.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.