Itunpeko ikastetxeen lan-gatazkan bitartekari izateko prest agertu da Hezkuntza Saila
Cristina Uriarte Eusko Jaurlaritzako Hezkuntza sailburuak ostegun honetan jakinarazi duenez, prest dago gizarte ekimeneko itunpeko ikastetxeetako patronalarekin eta sindikatuekin biltzeko, baina, lan-gatazka hori konpondu ahal izateko, negoziazioa abiatzeko eskatu dio Lan Harremanen Kontseiluari (LHK).
Eusko Legebiltzarreko korridoreetan, ikastetxe horietako irakasleen sindikatu gehienek hilabeteko greba deialdia egitea kritikatu du sailburuak, "neurrigabea eta zentzugabea" dela iritzita.
"Ezin ditugu ikasleak, familiak eta ikastetxeak hilabetez klaserik gabe utzi", salatu du Uriartek, eta, lan-gatazkari irtenbidea emateko, Jaurlaritzak proposamen ezberdinak egin dituela gogorarazi du.
Testuinguru horretan, Lan Harremanen Kontseiluak (LHK) sindikatuen, patronalaren eta Hezkuntza Sailaren arteko bilera deitzen badu, bertaratzeko prest daudela aurreratu du sailburuak.
"Bitartekaritza mahai gainean egon den tresna bat da. Orain arte, bi aldeak ez dira lan-gatazkari irtenbide bat emateko gai izan. LHK-k deitzen bagaitu, bilera horretara joango gara, egoera horri irtenbidea eman behar zaiolako. Akordioa lortu nahi dugu”, azaldu du Uriartek.
ELA, LAB, CCOO eta Steilas sindikatuek hilabeteko greba deitu dute azaroaren 7tik abenduaren 5era gizarte ekimeneko itunpeko hezkuntzan, hitzarmena eguneratzea aldarrikatzeko; izan ere, hamar urte daramatza berritu gabe.
Grebak 100.00 ikasleri eragingo lieke. Azken bi ikasturteetan, 27 lanuzte deitu dituzte (horietatik 24 aurreko ikasturtean), kolektiboaren lan-baldintzak arautzen dituen hitzarmena berritzea eskatzeko.
Eusko Jaurlaritzak behin baino gehiagotan adierazi du ez duela lan-gatazketan esku-hartzeko asmorik, eta, aurrekoetan, Lan eta Justizia Sailaren bidez bitartekari izateko prest agertu da. Kasu honetan ere bere asmoa agertu du, baina logikoagotzat jo du eginkizun hori LHKren esku uztea.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.