Eguraldi kaskarrak ez du pentsio 'duinen' aldarrikapena geldiarazi
Milaka pertsonak pentsio publiko "duinak" aldarrikatzeko manifestazioak babestu dituzte Hego Euskal Herriko hiriburuetan. Diru-laguntzotan KPIren igoera berehala aplikatzea eskatu diote Espainiako Gobernu berriari.
Pentsiodunen Mugimenduak mobilizazioak deitu ditu Hego Euskal Herriko hiriburuetan, Eibarren (Gipuzkoa) eta Tuteran (Nafarroa), sindikatu nagusien babesarekin.
Denboraleari aurre eginez, milaka pertsonak hirietako erdialdean ibilbidea egin dute. "Euripean eta eguzkipean, pentsioa defendatu" leloa oihukatu dute manifestariek gaurkoan.
Bilboko martxa jendetsuena izan da. Lau zutabe ezberdin hiriko toki desberdinetatik abiatu dira, eta Moyua plazan bat egin dute 18:00ak aldera.
Bertan, Jon Fano mugimenduko bozeramaileak adierazi duenez, "nahiz eta eguraldi kaskarra izan, parte-hartze ikaragarria izan da. Nahiz eta 96 astelehen jarraian eraman, 13 manifestazio lau hiriburuetan eta ia bi urteko mobilizazioa, ikaragarria da", errepikatu du.
"Gobernu bat ala bestea atera, exijituko diogu. Nahiz eta Unidas Podemosekin koalizioa osatu, Gobernua PSOEk zuzenduko du; orain arte baino sentsibilitate handiagoa azaltzea espero dugu".
Gobernu berriak "berehala" pentsio guztiei KPIren igoera aplikatzea eta gutxieneko pentsioa 1.080 eurora igotzea nahi dute.
Donostiako manifestazioa. Argazkia: EFE
Era berean, Gobernu berriak lanbide arteko soldata 1.200 eurora igotzeko konpromisoa hartzea nahi dute, "Gizarte Segurantzaren diru-sarrerak nabarmen areagotzeko; bestela, etorkizun zaila dugu aurretik eta ez hainbeste orain pentsiodunak garenok, datozen belaunaldiek baizik".
Abenduko aparteko ordainsaria pagatzeko Gizarte Segurantzako diru-kutxatik beste 3.500 milioi euro atera izana kritikatu du bozeramaileak. Baliabide gehiago behar dituztela nabarmendu du Fanok.
Asteleheneko elkarretaratzeekin jarraitzeaz gain, abenduan zehar Gasteizko eta Iruñeko parlamentuen aurrean mobilizazioak deituko dituztela iragarri du Fanok. Pentsio sistema publikoaren defentsarekin konpromisoa hartzea eta eztabaida Kongresura eramatea eskatuko diete ordezkari politikoei.
Gasteizko manifestazioa. EiTBko bideo batetik ateratako irudia.
Mikel Noval ELAko Gizarte Politiketarako arduradunak eta Garbiñe Aranburu, Loli Garcia eta Raul Arza LAB, CCOO eta UGT Euskadiko idazkari nagusiek, hurrenez hurren, Bilboko manifestazioan parte hartu dute.
Iruñeko manifestazioak hauteskundeetako promesak betetzea eskatu die politikariei. "Pentsio sistema publikoaren finantziazioa bermatzeko" beharrezkoa dena "berehala" egitea eskatu diote Gobernuari.
Ehunka pertsonak parte hartu dute Nafarroako hiriburuko protestan. Euripean hiriko erdialdean ibilbidea egin du manifestazioak, "1.080 Gutxieneko pentsioa. Pentsionistak aurrera" lelopean. Amona, Oneka, Pentsionistak Martxan eta Sasoia elkarteek hainbat pankarta eraman dituzte.
Pentsiodunen manifestazioa Iruñean. Argazkia: EFE
Aterki azpian babesturik "Gobernuak gobernu, pentsioak defendatu", "Lapurrak erakundeetatik kanpora" edo "Terrorismoa hilebete bukaerara ez iristea da" bezalako leloak oihukatu dituzte manifestariek. Protesta abiapuntuan bukatu da, Sarasate pasealekuan, alegia. Kolektiboetako bozeramaileek agiri bat irakurri dute bertan.
"Gaur, hauteskunde orokorrak izan eta sei egun geroago, hemengo eta Estatuko erakundeei gogoan hartzeko irmo esaten diegu, ez dugu promesik, ipuinik edo atzerapenik nahi", azpimarratu dute. "Agintzeko eta ez egiteko denbora agortu da", erantsi dute.
Horregatik, "berehala, jarduneko gobernuarekin edo ez, pentsio sistema publikoaren finantziazioa bermatzeko dekretuak onartzea, 2010eko eta 2012ko lan-erreformak eta 2011ko eta 2013ko pentsioen murrizketak indargabetzea" eskatu dute.
Manifestazioa duela urte batzuk eskakizunak kalean jarri zituen mugimenduaren baitan kokatu dute, eta helburuak lortu arte etsiko ez dutela ziurtatu dute; "aniztasunetik" baina kolektibo deitzaile bakoitzaren "aldarrikapen bereziekin" Estatu eta Europa mailan bat egingo dutelako.
Benito Uterga deitzaileen bozeramaileak kazetarien aurrean gogorarazi duenez, azken gobernuak, orain jardunean dagoenak, "neurri-sorta hartu behar zuela agindu zuen, baina ez du ezer ere egin".
Azkenik, Eibarren (Gipuzkoa) mobilizazioa goizean egin dute. Protesta Untzaga plazatik abiatu da, 12:00etan.
CONTENIDO NO ENCONTRADO
Zure interesekoa izan daiteke
ELAri kalte-ordaina eman beharko dio Tubos Reunidos Threadsek greba eskubidea larriki urratzeagatik
Enpresak greban zeuden langileak plantillako beste langile batzuekin ordezkatu zituela egiaztatu zuen Lan Ikuskaritzak eta EAEko Justizia Auzitegi Nagusiak ondorio hori berretsi du.
CAFeko langile batzordeak eskatu du kontratuak kalitatezko enplegua ekar dezala "langileentzat eta azpikontratentzat"
Mikel Fernandino LAB sindikatuko ordezkariaren esanetan, albistea oso ona da, eskaria "bolumen handikoa" eta "Europakoa" delako.
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.