Hondarribiko Udalak Zaldunbordako outlet erraldoia eraikitzeko asmoa berretsi du
Hondarribiko Udalbatzak Zaldunbordako outlet erraldoia eraikitzeko proiektuari babesa mantentzea onartu du EAJren aldeko botoekin; izan ere, jeltzaleek gehiengo osoa dute Udalean. Egitasmoarekin aurrera jarraitzeko dekretua eraginik gabe utzi zuen Alkatetzak iragan asteartean.
Ezohiko Udalbatza egin zuten ostegun arratsaldean. "Zaldunborda Gainean zonalde kutsatua garbitzeko, lanpostuak sortzeko eta jarduera ekonomikoa sustatzeko proiektu positiboa da", dio onartutako ebazpenak.
Hala ere, Udalak argitu duenez, "beste edozein proiektuk bezalaxe", Zaldunbordako outletak "legea bete beharko du".
Azkenik, bertako dendak bultzatzeko konpromisoa adierazi eta sektoreari laguntzen jarraitzeko borondatea azaldu du Hondarribiko Udalak ebazpenean,.
EAJko 9 zinegotzien aldeko botoekin aurrera atera zen proposamena. Abotsanitz, PSE-EE eta EH Bildu oposizioko alderdiek, ostera, kontrako botoa eman zuten.
Zaldunbordako outlet erraldoian 100 saltoki baino gehiago zabaltzeko asmoa dute 25.000 metro karratu baino gehiagotan. Sustatzaileek 2.000 lanpostu sortuko dituela uste dute.
Eusko Legebiltzarrak merkataritza-guneak arautzeko lege berria onartu baino egun bat lehenago, plan partziala aldatzeko eta eraikuntza baimentzeko dekretua onartu zuen Hondarribiko Alkatetzak. Mota honetako egitasmo erraldoiei murrizketak ezartzen dizkio EAEko legedi berriak.
Oposizioa zein Hondarribiko dendariak hasiera batetik proiektuaren aurka agertu dira, baita Irungo Udala ere. Zinegotzi jeltzaleak outlet erraldoiaren aurka azaldu ziren Irunen.
Era berean, proiektuaren inguruko jarrera berriz aztertzeko eskatu zioten Gipuzkoako Batzar Nagusiek Hondarribiko Udalari, EAJren eta PSE-EEren aldeko botoekin.
Horrela, proiektua gelditzea erabaki zuen Udalak iragan asteartean, plan partziala eraginik gabe utziz, merkataritza-guneko enpresa sustatzaileak baldintzak "bete ez" dituela argudiatuta.
Zure interesekoa izan daiteke
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.