Stoak Miñaon zuen kontratua baliogabetu dute, De Miguel auziaren epaia dela eta
Arabako Parke Teknologikoko administrazio kontseiluak bertan behera utzi du Stoa enpresarekin indarrean zuen kontratua, enpresa horrek legez kanpoko hitzarmenak lortu zituela frogatutzat eman baita De Miguel auziko epaian.
Miñaoko parke teknologikoak ohar batean azaldu duenez, Stoa arkitektura eta hirigintza enpresarekin indarrean zituen kontratu guztiak “baliogabetzea” erabaki du ostegun honetan administrazio kontseiluak, Arabako Auzitegiaren epaia ezagutu ostean.
Izan ere, De Miguel auziko auzipetu nagusiei 6 eta 13 urte bitarteko kartzela-zigorrak ezarri zizkien epaimahaiak. Epai horretan, Stoa enpresa aipatzen da, eta Miñaoko parke teknologikoaren hirigintza planaren idazketa enpresa horri esleitu izana legez kanpokotzat jotzen da, antza denez, 3.750 euroko komisio baten truke egin baitzen.
De Miguel auziko epaiak frogatutzat ematen du legez kanpoko kontratua izan zela, “itunez eta legez kanpoko helburuekin” sinatu baitzen. Arrazoi horregatik, indarrean zegoen kontratua baliorik gabe uztea erabaki du gaur Miñaoko parke teknologikoak.
Auzipetuek helegitea aurkezteko aukera dute Auzitegi Gorenean, baina “epaia berretsiz gero”, Arabako Parke Teknologikoko administrazio kontseiluak azpimarratu du kontratua indarrik gabe jarraituko duela, eta “ez dela beharrezkoa izango akordio berririk sinatzea”.
Arabako diputatu nagusiak ostiralean aurreratu zuen Arabako Parke Teknologikoko administrazio kontseiluak erabaki hori hartuko zuela, oposizioko taldeek hala eskatuta.
Zehazki, Stoarekin indarrean zegoen kontratua “berehala” etetea eskatu zuten EH Bilduk, PPk eta Elkarrekin Podemosek, De Miguel auzian “zerikusia izan zuela” frogatutzat eman ostean. Horrez gain, Miñaoko parke teknologikoa handitzeko proiektua bertan behera uzteko eskatu zuten.
Eusko Jaurlaritzak ez du antzeko kontratu gehiagoren berririk
Testuinguru horretan, Josu Erkoreka Eusko Jaurlaritzako bozeramailearen hitzetan, ez dago Stoa enpresarekin egindako kontratu baliogabeen antzeko kontratu gehiagoren berririk, baina horrelako kasu gehiago egonez gero, erakundeek neurri berdinak hartuko dituztela eta baliogabetzat joko dituztela esan du.
"Eusko Jaurlaritzak ez daki antzeko beste kontraturik ote dagoen", esan du Eusko Jaurlaritzako bozeramaileak kazetarien galderei erantzunez, eta ez du zalantzarik izan horrelako kasu gehiago argitara aterako balira kontratu horiek “bertan behera” utziko lituzketela esateko orduan, indarrean mantentzea "problematikoa" izango litzatekeela iritzita.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.