Ekonomia zirkularrak 3.000 lanpostu berri sortuko ditu EAEn 2030era arte
Eusko Jaurlaritzak astearte honetan onartu duen Ekonomia Zirkularraren Estrategiaren helburua da eredu ekonomiko horrek 3.000 enplegu berri sortzea eta 2030era arte CO2 isurketak % 26 murriztea.
Plan horrek, gainera, zenbait neurri ezartzen ditu, euskal enpresek produktu zirkularretan duten fakturazioa 10.000 milioi eurora handitzeko, Iñaki Arriola Eusko Jaurlaritzako Ingurumen sailburuak Gobernu Kontseiluaren osteko prentsaurrekoan azaldu duenez. Bertan onartu da estrategia hori, eta 2030era bitartean aplikatuko da.
Horren helburua, sailburuak azpimarratu duenez, Euskadi Europako erreferentziazko eskualde gisa kokatzea da eredu ekonomiko horren garapenean. Eredu horren helburu nagusia produktuen bizi-zikloan ingurumen-inpaktua murriztea da.
Estrategiaren neurrietako bat da 2030ean merkatuan jarriko diren plastikozko ontzi guztiak birziklagarriak izatea.
2016an, EAEn ekonomia zirkularreko irizpideak aplikatu zituzten produktuek eta zerbitzuek 2.800 milioi euro fakturatu zituzten, enpresen fakturazio osoaren % 28, Arriolak ziurtatu duenez.
Aurreikuspenen arabera, 2020an fakturazioa 7.250 milioira iritsiko da, eta 2030ean 10.000 milioira iritsiko dela uste dute.
Gaur egun, EAEko industria-sektorean 18.400 enplegu inguru daude jarduera horrekin lotuta, lanpostu guztien % 2 baino pixka bat gehiago, eta helburua da beste 3.000 sortzea.
Ekonomia Zirkularraren Estrategiaren aplikazioak eragin zuzena izango du berotegi-efektuko gasen emisioen murrizketan. Arriolaren arabera, CO2 isurketak % 26 murriztuko dira. Murrizketa hori hondakinen kudeaketako aldaketek eragingo dute, alegia, hondarren sorkuntzaren beherakadak eta ekonomiara bigarren mailako material gisa berriro sartzeak, eta baliabideen inportazioaren murrizketak.
Horrenbestez, Estrategiaren helburu nagusietako bat da "produktibitate materiala" % 30 handitzea, baliabideak modu eraginkorragoan aprobetxatuz eta materialen inportazioarekiko eta erauzketarekiko mendekotasun txikiagoa eraginez.
Era berean, material zirkularraren erabilera-tasa % 30 handitu nahi da, eta horrek birziklapenaren sektorea bultzatuko du, baita baliabideen eraldaketarekin eta aprobetxamenduarekin lotutako enpresen agerpena ere, berrerabiltzearen bidez.
Erreforma horiei ekiteko, inbertsiorako, I+G+Brako eta zerga-kenkarietarako laguntzak abiaraztea bultzatuko du Jaurlaritzak, beste neurri batzuen artean.
Zure interesekoa izan daiteke
ELAk salatu du EAEko aurrekontuek “murrizketak” dakartzatela “osasunean eta hezkuntzan”
Sindikatuaren hitzetan, aurrekontuak “ez dira hedakorrak” eta, “benetako ahalmen ekonomikoa ezagututa”, % 1,3 soilik haziko dira, ez iragarritako % 4,1.
Hegazti-gripea dela eta, gauritk aurrera milioi bat oilo baino gehiago konfinatuko dituzte Nafarroan eta Araban
Nafarroako 12 udalerritako eta Arabako 6 udalerritako etxeko hegazti konfinatuta egongo dira gaurtik aurrera, hegaztien gripeak Europan izan duen gorakadaren ondorioz. Nekazaritza Ministerioak lasaitasuna eskatu du, baina zuhur ibili behar dela azpimarratu du, kutsatzeak saihesteko eta birusa hedatzea geldiarazteko.
Etxebizitza sailburuak dio gehiago eraiki behar dela
EITB DATAk ezagutzera emandako datuak aztertu ditugu Denis Itxaso Etxebizitza eta Hiri Agenda sailburuarekin. Dioenez, etxebizitza gehiago eraiki behar da, baina horretarako lurzorua behar da. Epeak murriztea ere helburutzat jarri du sailburuak eta hiruzpalau urtean emaitzak ikusiko direla ziurtatu du.
Azken hamarkadan, nabarmen handitu da hipotekarako eskatzen dugun diru-kopurua: % 30 gehiago
Azken hamarkadan, etxebizitza ordaindu ahal izateko hipoteken zenbatekoak gora egin du Euskadin, Nafarroan eta Espainian. Izan ere, 2024. urtean azken hamarkadako markak hautsi ditugu.
Etxebizitzen eraikuntza gelditu den arren... Salerosketen kopurua zifra historikoetan dago EAEn eta Nafarroan
Euskadi 80ko hamarkadako erritmoan ari da eraikitzen, eta, hala ere, maximo historikoak gainditu ditu etxeen salerosketa-kopuruari dagokionez. Hori lortzeko, batez ere, bigarren eskuko etxebizitzen merkatua ari da mugitzen: saltzen diren etxeen % 85 ez dira berriak.
Nolakoak dira eraikitzen ari diren etxebizitza berriak?
Eraikitzen diren etxebizitzetatik zenbat dira babestuak? Eta, libreak? Zenbat dira ohiko etxeibizitzak? Eta zenbat daude bizilagunik gabe? Galdera horiek eta beste batzuek EITB Dataren azken txostenean dute erantzuna.
Alokairuak gora egin du Hego Euskal Herrian: sei etxetatik batean horrela bizi dira
EITB Dataren arabera, azken hamarkadan, Euskadin, Nafarroan eta Espainian alokairuan bizi diren etxebizitzen ehunekoa sei puntu inguru igo da.
Metro koadroa duela hamar urte baino % 35 garestiagoa da gaur egun Euskadin
Albiste honen barruan aurkituko duzun mapa interaktiboan, nabigatu dezakezu bizi zaren eremu funtzionaleko metro koadroaren prezioa zein den jakiteko: Donostiak jarraitzen du ranking horren buruan, eta ondoren datoz Getxo, Donostialdea eta Mungialdea.
Kamioilariek protesta egin dute Iruñean, "Bidesariei ez" lelopean
Ehun kamioilari baino gehiago bildu dira protestan larunbat honetan Iruñean. Garraiolari nafarrak bidesariak "inposatzearen aurka" agertu dira, eta hauek eskatu dituzte: "bidezko fiskalitatea, azpiegituretan hobekuntzak, belaunaldien arteko erreleboa eta garraiolarien duintasun profesionala bermatuko duten neurri eraginkorrak".
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.