Baionako autobus geltokia eta portua itxi dituzte grebalariek
Frantziako Estatuan eta Ipar Euskal Herrian mobilizazio eguna dute gaurkoa Emmanuel Macronek egin asmo duen pentsioen erreformaren kontra, 36. egunez. Aurrekoetan bezala, garraio zerbitzuan espero dira eragozpen gehien. Ipar Euskal Herrian, Baionako autobus geltokia inguratu dute manifestariek eta portua ere itxi dute. Frantzian, "eragozpen handiak" aurreikusi ditu SNFC konpainiak lurralde osoan, eta bereiziki Ile-de-Francen.
Garraio arloko langileek ez ezik, hezkuntza, osasuna eta beste arlo batzuetako langileek ere egin dute greba. Parisen, esaterako, Eiffel dorrea itxita egongo da gaur, bertako beharginek deialdiarekin bat egin dutelako.
Baionan (Lapurdi) goizean goiz hasi dira mobilizazioekin. Manifestariek Baionako Chronoplus geltokiaren inguruetan barrikadak paratu dituzte, eta autobus linea batzuen zerbitzua bertan behera geratu da (10:00ak aldera etorri da bere onera). Baionako Portua ere itxi dute piketeek. Arratsalderako "beste ekintza ikusgarri bat" iragarri dute sindikatuek.
Hezkuntzan, bost ikastetxeetatik bakarra dago zabalik Ipar Euskal Herrian.
Eguneko manifestazio nagusia 10:30ean abiatu da, Baionako tren geltokitik. Peio Dufau CGT sindikatuko tren zerbitzuko arduradunak Euskadi Irratiari azaldu dionez, "aste erabakigarrian sartu dira mobilizazioak". Izan ere, larunbaterako beste protesta handi bat dago deituta.
Frantzian "eragozpen handiak" aurreikusi ditu gaurko SNFC tren konpainiak. Abiadura handiko bost trenetatik hiru, eta eskualdeetako 10 trenetatik lau baino ez dira ibiliko, eta nazioarteko zerbitzuan ere "gorabeherak" izango dira. Garraio arloko langileek ez ezik, irakasleak, osasun arloko langileak eta beste sektore batzuetako beharginek ere egin dute greba.
Parisen, Eiffel dorrea itxita dago ostegun honetan. Goizean jakinarazi du itxiera Eiffel dorrea ustiatzeko sozietateak, langileriaren zati batek grebarekin bat egin duela egiaztatzean. "Lanean direnekin ezin diegu bisitariei modu egokian erantzun, beraz, dorrea itxita egongo da egun osoan", adierazi dute ohar batean.
Zure interesekoa izan daiteke
Kamioilariek protesta egin dute Iruñean, "Bidesariei ez" lelopean
Ehun kamioilari baino gehiago bildu dira protestan larunbat honetan Iruñean. Garraiolari nafarrak bidesariak "inposatzearen aurka" agertu dira, eta hauek eskatu dituzte: "bidezko fiskalitatea, azpiegituretan hobekuntzak, belaunaldien arteko erreleboa eta garraiolarien duintasun profesionala bermatuko duten neurri eraginkorrak".
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.
Sidenor buru duen partzuergoak Talgoren % 29,76ren erosketa itxi du 156 milioiren truke
Balore Merkatuaren Batzorde Nazionalak (CNMV) behin-behinean eten du Talgoren kotizazioa, Sidenorrek gidatutako partzuergoak Pegasorekin sinatutako akzioen salerosketa-kontratua sinatu ondoren. Eragiketak otsailean lortutako aurreakordioa berretsi du, eta erosketaren azken faseari ekin dio.
Bizkaiko hegoaldeko trenbide-saihesbidearen obrak urtea amaitu baino lehen hasiko dira
Eusko Jaurlaritzako Mugikortasun Jasangarriaren sailburu Susana Garcia Chuecak azaldu duenez, obrak amaitutakoan merkantzia-trenek ez dute Santurtzi, Portugalete, Sestao eta Barakaldo zeharkatu beharko. "Aldiriko trenek bakarrik zirkulatuko dute, iberiar zabalera baitute trenbide horiek", gaineratu du.
Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
“Ipar Euskal Herrian, Asturiasen, Kantabrian… Europa osoan ari dira angula arrantzatzen, EAEn izan ezik”
Angula denboraldia hastear den honetan, Gipuzkoako eta Bizkaiko arrantzaleek ezin izango dute angula arrantzatu, Jaurlaritzaren debekua dela eta. Unai Eizagirre Anguleroen Elkartearen lehendakariak onartu du angularen egoera ez dela ona, baina kritikatu du debekua Euskal Autonomia Erkidegoan soilik ezarri dela, eta, bien bitartean, Asturiasen, Galizian... angula arrantzatzen ari direla. Eurak soluzioaren parte direla nabarmendu dute, eta, Frantziako eredua jarri dute mahai gainean.
Gobernantza Sailak 167,5 milioi bideratuko ditu 2026an Administrazioa arinagoa izan dadin
Gainera, Ubarretxena sailburuak iragarri duenez, Eusko Jaurlaritzak 2023, 2024 eta 2025eko Lan Eskaintza Publikoak batuko ditu, eta guztira 1.700 plaza aterako ditu Administrazio Orokorrean, baina ez da deialdi bakarra egingo, eskalen arabera deituko dira.
Eusko Jaurlaritzak 8 ikuskatzaile gehiago kontratatuko ditu etxebizitza turistikoen gaineko kontrola areagotzeko
Javier Hurtado Turismo, Merkataritza eta Kontsumoko sailburuak bere sailari dagokion datorren urteko aurrekontu-proiektua aurkeztu du Eusko Legebiltzarrean. Guztira, 56,5 milioi euroko aurrekontua izango du, aurten baino % 2 gutxiago.