Macronek ez dio pentsioen erreformari uko egingo, baina 'hobetzeko prest dago'
Emmanuel Macron Frantziako presidenteak ez dio uko egingo pentsioen erreformari, baina ez du baztertzen Gobernuak ostegunean aurkeztutako planean hobekuntzak egitea. Sindikatuek bi aste daramatzate horren aurka protestan.
"Presidenteak ez du proiektua bertan behera utziko" eta ez dio bere funtsa kenduko, baina "hobetzeko prest dago", adierazi dute Eliseoko iturriek, Gobernuaren eta gizarte eragileen arteko bilera erronda hasi baino ordu batzuk lehenago.
Frantziako Gobernuak iragarri du Pentsioetarako Goi Komisario izendatu duela Laurent Pietraszewski, Jean-Paul Delevoye pentsio sistemaren erreformaren ebaluazioaren aurreko arduradunak dimisioa aurkeztu ostean, balizko interes gatazka batengatik.
Eliseoko Jauregiak ohar batean jakitera eman duenez, Frantziako presidenteak Delevoye ordezkatzea erabaki du, Edouard Philippe lehen ministroari dimisioa aurkeztu ostean.
Exekutiboko agenda ofiziala asteazken honetan bertan hasiko da, Edouard Philippe lehen ministroak sindikatuekin eta patronalekin egin dituen bilerekin, pentsio-sistemaren erreformaren gatazka desaktibatzeko; izan ere, 14 eguneko greba egin dute lurreko garraio publikoan, eta beste sektore batzuetan ere lanuzteak egin dituzte, batez ere sektore publikoan.
Sindikatuek beste manifestazio bat egin zuten asteartean, sistema konplexu bat bateratu nahi duen pentsio sistemaren erreformaren aurka protesta egiteko. Pentsio oso bat jasotzeko kotizatu beharreko kopuruari bi urte gehitzea proposatzen du neurri esanguratsuenetako batek.
Asteazken honetan mobilizazioek jarraitzen dute Pariseko trenbideetan eta garraio publikoan.
Zure interesekoa izan daiteke
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.
Dagoeneko 1.450 pertsona hil dira Venezuelan, lurrikaren ondorioz
Halaber, 3.150 pertsona zauritu dira, 774 eraikin daude kaltetuta edo kolapsatuta, eta, horrek, 12.721 familiari eragin die. Tokian nazioarteko 2.624 erreskatatzaile ari dira lanean, bizirik izan daitezkeen pertsonak bilatzeko.
Ordu erabakigarriak Venezuelan: bizirik egon daitezkeen pertsonen bilaketa areagotu dute
Mundu osoko salbamendu- eta erreskate-taldeek lanean jarraitzen dute, atsedenik gabe, hondakinen artean harrapatuta geratu diren pertsonen bila.