Hirugarren greba-eguna Frantziako garraio publikoan
Garraio publikoan hirugarren greba-egunari ekingo dio Frantziak larunbat honetan, pentsio-erreformaren kontra. Tren zerbitzuan eta Parisko metroan bereziki nabarituko dira lanuzteak, baina asteburu honetan hegazkin-zerbitzua normaltasunez arituko da.
Ostegunetik ez dago tren-zerbitzurik Frantzia eta Espainia, Italia edo Alemania artean, eta tren bakarra Paris eta Stuttgarten artean, SNCF Trenbidearen Elkarte Nazionalak ohar baten bidez ezagutzera eman duenez. Gainerako nazioarteko loturei dagokienez (Londres, Suitza, Belgika, Herbehereak), trenen % 90 bertan behera geratu dira.
Frantziako barnealdean, berriz, Abiadura handiko Trenen sei trenetatik batek funtzionatzen du, distantzia luzeko % 5k, Parisko aldirikoen % 15k, eta eskualdekoen % 10k.
RATP Parisko metroak Interneten bidez jakinarazi duenez, bederatzi metro-linea bertan behera utzi dituzte, eta beste bost 13:00etatik 18:00ak arte bakarrik arituko dira, eta ohikoa den baino tren kopuru gutxiagorekin. Automatikoak diren metro-lineak (1 eta 14) normaltasunez ibiliko dira.
Protestek ez dute etenik, izan ere, astelehenera arte lanuzteak izango dira garraio zerbitzuetan, eta astearterako hurrengo greba eguna deitu dute sindikatuek. Bien bitartean, Macronen Gobernuak protestak entzun dituela, baina iragarritako erreformen aurrean ez duela atzera urratsik emango jakinarazi du Frantziako lehen ministroak. Dena dela, erreformak pixkanaka aplikatuko direla jakinarazi du. Datorren asteazken eguerdian aurkeztuko dute erretreten erreformaren proiektu osoa.
Iparralde
Larunbat goiz honetan eta pentsio-erreformaren kontrako protestekin bat eginda, elkarretaratzea egin dute Angelun, CGTk deituta. Angeluko merkatal-zentro baten kanpoaldean bildu dira 200 bat lagun, eta erosketak egitera datozenei pasoa moteldu diete eta afitxak banatu dituzte, astearteko mobilizazioetan parte hartzeko eskatuz.
Pentsio-erreformaren kontrako elkarretaratzea Angelun. Argazkia: Nerea Olaso
Zure interesekoa izan daiteke
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez direla "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidoseko zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.