'Euskal Y'a "ahalik eta lasterren" gauzatzeko lanean ari direla dio Abalosek
Espainiako Garraio, Mugikortasun eta Hiri Agendarako ministro Jose Luis Abalosek asteazken honetan esan duenez, Gobernu espainiarra "lanean" da, Euskal Yaren proiektua "ahalik eta lasterren gauzatzea" helburu. Abalos 'Basque Rail Way 2020' nazioarteko jardunaldian izan da, Donostian, eta nabarmendu duenez, proiektu horrek "Espainiako eta Europako gainerako herrialdeetako herritarrengana hurbilduko du Euskadi".
Eusko Jaurlaritzak, Eusko Trenbideak operadoreak eta Euskal Trenbide Sarea Euskadiko trenbide sektorea bultzatzeko erakunde publikoak antolatu dute jardunaldia. Bertan, Abalosek adierazi du 3.500 milioi euro baino gehiago erabili direla Euskal Y sarean, eta, gaineratu duenez, Espainiako Gobernuak, azken hemezortzi hilabeteotan (bera ministro denetik), "Estatuan abian zeuden proiektu guztiak dinamizatu ditu", eta erkidego-estandarrak hornitzea bultzatu ditu "Estatua Europarekin lotzen duten ardatz guztietan".
Espainiako Gobernuak Euskadin egindakoaren adibide, Abalosek nabarmendu duenez, 200 milioi euro lizitatu dituzte oraindik bukatu gabe dauden tarteetan eta Euskal Yaren Bilbo-Gasteiz adarreko tunelen larrialdietarako irteeretan, Gasteiza eta Bilbora abiadura handiko trenaren iritsieran gaineko informazio publikoa eman dute, Gasteizko Jundizko plataforma intermodalaren idazketa hasi dute (terminal horrek lotura izango du, zabalera estandarrean, Korridore Atlantikoarekin, baita tren-autobideko terminala ere), eta akordioa itxi dute EAEko erakundeekin, abiadura handia Irunera ere iristeko.
Abalosek esan du oso argi dutela egitasmo hau garrantzitsua dela Euskadi eta Espainiako aukera ekonomiko eta sozialentzat: "Horregatik eman diogu erritmo biziena, muga tekniko eta administratiboak kontuan izanik, ahalik eta arinen garatzeko".
Liberalizazioa, eta Tapiarekin bilera
Liberalizazioari dagokionez, Espainiako Garraio ministroak zehaztu du Estatua "egoera oso onean" dagoela, "sare honi etekinik handiena ateratzeko, bidaiarien garraioaren liberalizazioaren bidez". Baliteke, Abalosen esanetan, "Europako liberalizaziorik orekatuena izatea. Gure asmoa da eskaintzaren aniztasunik handiena lortzea, eta, era berean, giza gaitasunei eta gaitasun teknikoei eta materialei eustea. Horrela, tren-sare osoak izango luke onura, sinergiak tarteko".
Ekitaldia hasi aurretik, Abalos Arantxa Tapia Ekonomiaren Garapen eta Azpiegitura sailburuarekin izan da. Protokoloa izenpetu dute, Lezoko logistika-terminal intermodala garatzeko, Estatuan salgaien tren bidezko garraioa gehiago bultzatze aldera.
Tapia eta Abalos Madrilen batzartuko dira otsailaren 13an, abiadura handiaren garapena eta Euskadiko garraio-sistemaren etorkizuneko erronkak aztertzeko.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".