Lan istripua
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Langile bat hil da Ameskoabarreneko kanpin batean, 10 metroko altueratik jausita

Ezbeharra Artaza Urederra kanpinean jazo da goizean. Langileak, 55 urteko ameskoarrak, kolpea hartu du buruan, eta berehala hil da.
Ameskoabarrenako kanpin batean jazo da ezbeharra.
Argazkia: Foruzaingoa

EITB.EUS

Azken eguneratzea

Langile bat hil da gaur Ameskoabarreneko (Nafarroa) Artaza Urederra kanpinean, Foruzaingoak jakinarazi duenez. Hildakoa 55 urteko ameskoarra da.

Ezbeharra 10:43 aldera jazo da. Behargina garabi-kamioi batekin lanean zegoen, saskia askatu denean. Ondorioz, gizona 10 metroko altueratik jausi da, eta buruan kolpea hartu du; berehala hil da.

Lizarrako Foruzaingoko Herritarren Segurtasunerako zein Polizia Judizialeko agenteak bertaratu dira, eta azken horien esku geratu da atestatua. Gorpua Iruñeko Auzitegi Medikuntzako Institutura eraman dute, autopsia egin diezaioten.

Ekonomia Lan istripuak Nafarroa Eguneko Titularrak Foruzaingoa

Zure interesekoa izan daiteke

Gehiago ikusi
Publizitatea
X